خل نصرخ بلوعه والم وبمدمع ايسيل=على النعشه خلوه عالجسر اربع احماميل خل نصرخ ابلوعه اومدامعنه نهلها=ونريد طارش للمدينه ايحشم اهلها ينخاها بدموع الحزن حين اليصلها=خلها تعجل بالسفر وتشد على الخيل خل تسرع اوتطوي الارض خل تگطع البيد=موسى ابن جعفر عالجسر وبرجله الحديد خل تسرع تگطع للزرد وتوخر القيد=يلناعي حشمها بدمع خل توصل بليل خلها تشارك شيعته وتشيعه بدموع=الموسى اوتهل لجله الدمع وبگلب مفجوع الهاي المصيبه اوهالحزن محنيه الضلوع=مصيبه تشيب كل گلب وتهدم الحيل گضه حياته بالسجن اربعطعش عام=من اجلك اواجلي تره ومن اجل الإسلام عود الرضا كنز العلم منبع الاحكام=لجله الاملاك تناحبت والنعشه اتشيل آلاف شيعوا الشبل سيد البريه=سليمان اولهم يون ونه خفيه ما ظل ثلث تيام عاري عالوطيه=وخيام ما عنده تفر منها المداليل ما شاف ابن جعفر اخيام ابنار تلهب=ما ظل حلي اعليها ثمين وما تسلب والدهر ون الها لمصيبه الحال زينب=تحشم واهلها عالثره كلهم مچاتيل