بحراني - في حق الامام الحسن العسكري (ع)
ديوان القصائد الشعبية في مدح ورثاء العترة النبوية - عبد المهدي علوان التميمي
عالعسكري انحب يشيعي ابها المسيه=بسامره مسموم انغدر والله اشرزيه
يالهادي شبلك ياوسافه راح مسموم=نعزي جده المصطفى بمصابه هاليوم
ابدال الدمع نبچي المصابه نهل الدموم=ونعزي جده المرتضى حامي الحميه
اصرخ يشيعي واجذب بهل ليوم حسرات=سامره رفعت للحزن والسود رايات
انعزي ائمتنه الطهر اهل الكرامات=ونعزي امه الطاهره البضعه الزچيه
ونعزي شبل العسكري ابثاره يطالب=الله يساعد گلبه اشيحمل مصايب
گاضي الصبر يبن الحسن انهض يغايب=كل يوم من عدنه الك توصل شچيه
چم دين تطلب سيدي يانسل الاطهار=وچم ثار مذخور وبقه ينتظرك الثار
تدري اشجره بطف كربله من شبت النار=ظلت ارامل والكفيله الفاطميه