حزين العالم العلوي= على الصادق يهل ادموم استشهد لجل دينه =مثل جده الحسن مسموم عاصر دولتين اكبار= بني اميه وبني العباس عنهم يروي التاريخ =اشر الكون بين الناس تحمل جور من عدهم= الهم ابد ما طخ راس وعلمه تدرسه الاجيال= مدرسته بگه لليوم بني العباس اولهم =ابو السفاح والمنصور سودوا صفحة التاريخ= هم الهم تشوف اگبور اشكثر حاربوا للصادق= اشكثر منهم تحمل جور ورغم كل الجره وياه= بگت منه تشع اعلوم اهو اطول عمر عمره= من آل النبي العدنان اعظم مدرسه اسس= تخرج منها ابن حيان آلاف ادرسوا عنده= ومنهم يشهد النعمان بالسنتين ظل يفخر= والما درس ظل محروم المذاهب صارت بعصره= وكلها ادرست من علمه علمه نور الكونين = لئن ينبوع للحكمه مثل عوده ومثل جده= الهم صارت العصمه مثلهم بالدهر ما صار= وحگ الواحد القيوم همه كعبة العالم= وهمه سادة الكونين من عدهم يفوح الطيب= ومن عدهم عرفنه الدين محبتهم شرف النه =وسام اتصير بالدارين والخالف شريعتهم =دنيه وآخره مظلوم ارتوينه من محبتهم= وما نظمأ بعد هيهات تواصينه على حبهم= الحي واليجي والمات بيهم شاد هذا اين =وارتفعت اله رايات وچم طاغيه الحاربهم= وبتالي الامر مهزوم ونرد اردود للاحزان= نعزي موسى بن جعفر ابعوده السمه المنصور= حزنه للگلب فسر اشحاله السم مرد چبده= بالسم چبده اتوذر ويوصي شيعته اولده= وصيته بالصلاه والصوم بشبل الباقر الصادق= نعزي المهدي راعي الثار نحشمك سيدي الثارك =نسيت الضلع والبسمار وما تنسه الجره بالطف= خيم وتلاهبت بالنار وچم طفله اوطفل بالطف= ابسهم النايبه مفطوم