شعراء أهل البيت عليهم السلام - في مصاب امير المؤمنين (ع)

عــــدد الأبـيـات
27
عدد المشاهدات
2524
نــوع القصيدة
عامية
مــشــــاركـــة مـــن
تاريخ الإضافة
16/11/2010
وقـــت الإضــافــة
4:35 مساءً

الليله هاشم خل تجيم امصابها=طاح بالمحراب قالع بابها طاح بالمحراب حماي الحمه=وامست اعليه العوالم مظلمه والايتام اتهل مدامعها دمه=صواب حامي الجار حيدر صابها طاح بالمحراب حماي الدخيل=وللارامل تسمع الليله عويل شلون ليله الهتف بيها جبرائيل=طاح حماي الحمه ابمحرابها هتف جبرائيل والصوته صده=صوت بالاحزان صار أيردده اتهدمت والله اركان الهده=والصلاه من دمه صار اخضابها صوت هزالكون هالصوت شيگول=طاح بالمحراب ابن عم الرسول عليه مدامع شيعته شبه السيول=امصاب ابو الحسنين حيدر نابها للارامل چنت ياحيدر عمد=حگها تنعه اعليك تبقه للابد تلوذ چانت بيك چنت الها سند=وعگب عينك بعد منهو ايهابها چنت سور لكل يتيم وكل فقير=بيك يا بالحسن چانت تستجير بفگدك انصابت حدر ضلع الگصير=وفگدت ابفگدك يعزها حسابها اشسوه ابن ملجم يسلطان النجف=هدم سور الدين وبيوت الشرف بدر للعليه ابسمه العليه كسف=ولوت هاشم للرزيه ارگابها الك تشهد ياعلي سوح الوغه=ياهو گبلك بالحرب رف بيرغه ادبت كلمن يبو الحمله طغه=وسيفك ابطال الحرب گصابها وابدر يا بالحسن انته البدر=بيها رفت رايتك حزت النصر هالنصر باقي لعد يوم الحشر=وسيفك الكل غانمه طلابها وبأحد ياعود شبرها وشبير=لوله ما سيفك تره قل النصير ولوله ما سفگ احد يومه عسير=للطمع تبعت وهاي اسبابها وعمر ابن ود ياعلي حين البرز=يهدد الإسلام بابياته ارتجز منهو غيرك مدده والراسه حز=وشتت جيشه وفنيت احزابها بيك ردد ياعلي السان الدهر=بالحرب محد برزلك وانتصر عليك ياحيدر يمن حزت الفخر=وبيك تفخر من چنت باصلابها بيك ياكرار ندعوا ونبتهل=فضلك ربك على المخلوق كل المدينه المصطفى سيد الرسل=وللمدينه صرت انته بابها
Testing