يــسـادات الـبـشـر مـهـضوم
خـادمـكم الـمـن يــشچي هـمـه غـيـر بـس
الـكم
غـــرگان ابــحـر هـمـه وخــذاه
الــروج غـمـيج الـبـحر لاچن مــا يـعـرف
يـفوج
گصـــه ويــاه دهــره والـلـيالي
الـعـوج ومـــن غـصـبـا عـلـيه اصـبـح
يـعـاتبكم
مــن جــور الـلـيالي صــفگ راح
ابـراح الـيـشـد ويـــاه دهــره لا تـظـن
يـرتـاح
يـــون ومـــن دلـيـلـه اتگطــع
الـسـباح وانـــتــم ســـادتــه اوحگه
يـنـاشـدكـم
يــمـر الـلـيـل لاچن مـــا يــنـام
الـلـيل حـسبه بـأثر حـسبه ويـرعه نجم اسهيل
ابـهذا الـحال وضـعه اوتـعب منه
الحيل وبــدمـه ســـره يــهـل الـمـجد
حـبـكم
يـمن حـبكم امـان ايـصيرله امـن
الـنار عـدكـم يــشچي حـالـه الـمـا الـه
نـغار
بـــس انــتـم حــمـاه الـعـتره
الاطـهـار يـفـوز الـلـي يـحـبكم والـلـي
يگصـدكم
گصدكم يشچي من جور الزمان
اهموم لـيش الـلي يـحبكم كـل وكـت
مهضوم
كـل يـوم الـيمر اصـعب عـليه مـن
يوم الـلـيـالي مــن تـعـصره أيگوم
يـنـدبكم
نـدبـكـم يــسـاده مـــن يـطـيح
ابـضـيچ شـاف اهـموم مـن دهـره تنشف
الريج
گلـبـه ابـنـار يــدوي وصــار بـيه
احـريچ هــــذي حــالـتـه يــنـخـه و
يـحـشـمكم
يـحـشم كــل وكــت يـاسـادة
الـكونين حـمـاه انـتـم وحـكـم ابــد مـاله
امـعين
ديـنـه وديــن رحـمـه صـرتـوا
بـالدارين والــمـضـيـوم حگه لــودخــل
عــدكــم
كـلـنـه انــلـوذ بـيـكم يـاحـمه
الـيـنظام مـــن عـدكـم عـرفـنه ديـنـنه
الإســلام
ضـحـتوا وصـبـرتوا ونـلتوا احـله
وسـام والــتــاريــخ دوم ابــفــخـر
مــجــدكـم
هـــذي كـربـلـه الـتـاريـخ عـنـها
اشگال لـجـل الـديـن بـيـها اسـتشهدت
ابـطال
خـلـدت مـجـد شـامـخ ابــد مــا
يـنزال ولـجـل هـاي الـشهاده الـباري
فـضلكم
فـضـلكم عـلـى الـكـونين والـكـم
خـط ابـلـوح الـعرش وابـداً مـا سـواكم
قـط
اسـمـاكم وحـط اعـله الـحروف
انـقط اوگبـــل آدم ابـلـوح الـعـرش
سـجـلكم
گبــل آدم اسـمـكم بـالـعرش
مـكـتوب وگبل موسى وعيسى ويوسف ويعگوب
ومــن گبــل الـخـليل ونـوحـها
وايــوب خـلق والـد الـزهره الـمصطفى
جـدكم
لـجـلـكم خــلـق هـالـدنيه الــه
الـكـون وسـماوات وبـحرها وارض
والـمسكون
فـضـلـكم الــبـاري وصـرتـوا
اتـمـلكون الـرحـمـه والــكـرم والـطـيب
مـنـهلكم
مـلكتوا الطيب وانتم دوم اهالي
الطيب ومـثـلكم ابــد مــا حــره تـلـد
وتـجـيب
تـربـتكم شـفـه بـيـها الـمريض
ايـطيب چم وچم مــريـض الـشـفـه
ابـتـربـتكم