انولد مصباح هذا الكون= على العالم بزغ ضيه انولد وبمولده شع نور= فوگ الكره الارضيه انولد من نور الاكوان= سبط المصطفى المختار انولد سيد شباب الكون= شبل المرتضى الكرار انولد وبمولده انهني= ام العترة الاطهار ومن مولده نستلهم= قدسية معانيه ابها لمولود وافراحه= نهني عالم الإسلام ابمولوده انكتب تاريخ= خالد ظل مع الايام ودين البيه اجه جده= حياة اوطبق الاحكام ثار اومن دمه نحره= كتب صفحات ذهبيه نبقه سيدي انحبك =والغيرك ما نحب لاله اليخدمك سيدي اتحضره= ابگبره نور الك لاله حگ جبريل من يفخر= المهدك سيدي لاله وهذا الفخر بيه يفخر=على الاملاك السماويه الفكر يحتار من يكتب= عن شخصك يبن حيدر نهجك درس للاسلام= الك تاريخ بيه نفخر چم جيل الاجه بعدك =خالد باسمك المنبر جبل شامخ بگه اسمك= لئن ثورتك دينيه على لوح العرش مكتوب= مصباح الهدى اسمك وسفينه للنجاة انته =وبگلب المحب رسمك يومك درس للاحرار =وحين اتعلمت درسك صار الها الابه جلباب= من روحك الثوريه انتصارك نصر للاسلام= بيه احنه تسامينه حبك يسري بدمانه= وعلى اسمك تسمينه چم ثائر البعدك ثار= وياه اندرست اسنينه بس ثورتك تتخلد =لئن ثوره حسينيه خصال ابشخصك اتجمعن= اعجز من اعددهن لچن ياسيدي ارتاح =وحگك من ارددهن الشجاعه والكرم واخلاق= وابه ضيفه بعد الهن وعطف هاي الصفات =الكل نجمعن بجل شخصيه منهو ابحومة الميدان= ويطبق فروع الدين گبلك لا اجه وليصير= بس انته اصبحت يحسين عشرتهن امطبقهن =وبيك اعترفت الكونين يمن بيك الفخر يفخر =وصرت للمجد راعيه الصلاة صليت بالحومه= وگبلك عودك ابصفين صله ابحومة الميدان = حگه ايحافظ اعله الدين واليوم استجار الدين= بيك اواصبحت يحسين صحت ابصوت داعي= الحق هل من ناصر ليه الصيام انته چنت صايم =يوم العاشر ابعاشور الخمس من دمك انطيته= وزكاتك ضلعك المكسور الجهاد الجاهدت للدين= والحج سعيك المشكور احرمت طبيت للحومه= ابنفس راضيه مرضيه ومن امرت بالمعروف= حته الدين لا ينظام ومن المنكر انته انهيت= حته اتطبق الاحكام ومن يومك لهذا اليوم= ترفرف راية الإسلام ولو ما ثورتك يحسين= چان احنه ابعبوديه انته الحافظت عالدين= موالي العودك اوجدك بري من الذي ايضدهم =الايده ما تمد أيدك ابكبر الكره الارضيه= يبن المرتضى مجدك والجاهد لجل دينه= تتخلد مباديه