السيف الحارب الكفار= والهدم معابدها الحيدر ذي الفقار أيلوگ= روس الكفر يحصدها القلم يرجف يداحي الباب= من يكتب يريد اسمك او ثقل العلم اباسره =من يگدر يصف رسمك الغري اتشرف يبو الحسنين= حين النزل بيه جسمك اوبگت ارض العراق اتنور بيك اوصرت الها سور=فخر يكفيه وادي الطور ارضه اتشرفت باسمك= جسمك من توسدها يحيدر عجزت الكتاب= وعجزت كل فلاسفها وشخصيتك يبو الحسنين= من يگدر يوصفها علمك نور الدنيه = وبيه شهدت مصاحفها زبور وانجيل والفرقان وزهدك يذكره القرآن=الك بالفخر چم عنوان معاجز الك ما تحصه= عجز كلمن يعددها الوساده لون تتثني= الك چا صار غير الصار چان العلم بعد اكثر =وبعد اتكشفت اسرار چان الارض كلها ابخير= وفوگانه تصير اثمار وجاه صرنه بكرامه وعز ابعلم حيدر علي نبرز= ولرگاب الاعادي انحر وتظل الله واكبر دوم= احنه اللي نرددها گبل لا يخلق الدنيه= الباري اختار الك منصب خليفه انته لبن عمك= وبيك الكون يترتب وسيفك ذبح دون الدين= مو مرحب الف مرحب وسيف الشد الإسلام يظل اسمه ابصدرنه وسام= الحوادث تمر والاعوام وخيبر واحد والخندق= يبقه الدهر شاهدها ما زادك يبو الحسنين= بس طه ابن عمك طه ابو الها الامه = واحد همه او همك من غيرك حمل علمه = وبيك تفخر اوظمك على صدره وصرت ياكرار العلمه حافظ الاسرار= ويوم الي تشب النار الحرب سيفك يبو الحسنين= هو الي يخمدها ابسمه العليه ارتفع اسمك= وعلمك ظل يشع بالكون الفراسه اتفصلتلك ثوب= وسيفك صار اهو طاعون طاع الانس ويه الجن =وخضعلك عالم المسكون خضعتلك تره امن الخوف سيفك ما تنحره سيوف=وانته بالعطف موصوف لچن ما ساومت عله الدين= وحگ عترة محمدها گبل عشرين الف من عام= وگبل نوح وگبل آدم الباري اختارك الدينه= اوهوه بالعباد احكم ابصلب واحد يبو الحسنين= انته والنبي الاكرم انقسم هالنور بامر الله يابو طالب وعبدالله= ونورك صار يتجله الامامه الك ياحيدر= بامر الباري واحدها گبلنه الشاهدو شخصك= شكثر خسرو يبو الحسنين الما نشدوك عم علمك = وظلينه احنه امتيهين وانته الگلت اسألوني = گبل لاتفگدوني ابحين ينشده الدوم اهو ناسي چم شعره انه ابراسي =المثل هذا اشكثر قاسي خسرنه احنه اوخسارته = التاريخ أيدها خسرنه العلم ياحيدر = لچن مخسرنه ابد حبك نموت ونحتيي ونموت = ونظل نمشي على دربك انكرهنه اوصرنه مذمومين= چي لن نلهج ابقربك فخرنه انته محامينه وهذا الفخر يكفينه = عملنه ما ينجينه الينجينه شرف حبك = يوم يصير موعدها يباري ابجاه سيد الكون= لتعذب ابد امي ارضعتني حب علي الكرار= وهذا الحب بده ينمي ابجسمي اوچان الي والد= يحب حيدر واهو امي وصرت مابين امي اوبين ابوي الي خدم لحسين= رضعت اللبن من طيبين ونفوس اللي روت حبك = الكوثر صار موردها العبد مهماعمل صالح =بفضل كل ولي وكل مرسل وصام من الدهر ما صام= وصلى او للابد مامل هذا العمل مينفعه = حب حيدر اهو الاول حب نقرن بالايمان ومدحه انذكر بالقرآن= الغدير الصار اجل عنوان الحيدر بيه كمل هالدين = وصروح العدل شيدها