بشرنه بشير الخير = سيد الكون شع نوره انولد سيد ولد آدم = بيه ازهت المعموره انولد سيد البشر هاليوم= محمد سيد الكونين انولد رحمه الهذا الكون = دينه خاتم الكل دين ابمولده انهشم أيوان =كسرى وشامته كل عين خط دستور للاجيال= بگه لليوم دستوره انولد رحمه انولد تاريخ= العموم الكره الارضيه انولد حرر جميع الناس= من قيود العبوديه انولد طه نبي مرسل =بقدسيته ومعانيه انولد احيه خصال الطيب= الچانت گبل مهجوره دينه انقذ الاجيال= الچانت تعبد الاوثان دينه ما شبيها دين =اسمى دين بالاديان دينه شرف دينه اخلاق= دينه الكرم والاحسان المكارم والفخر والعز =ابهذا الدين منطوره دينه انتشر بالعالم= والعالم غده أيهابه دينه يحفظ حق الناس= يحب الصدق واسبابه دينه يحب كريم اتصير= ويحب اليحفظ احبابه دينه سمح للانسان =بيه ما تحصل احظوره ابعهد الجاهليه الناس= چان الجهل عاميها الموؤده ضحيه اتصير= خصله او تفتخر بيها اجه دين النبي الهادي= نهرها و عاقب اعليها وكرمها ابأجل تكريم =وضعها ابشرف محصوره دين المصطفى الهادي= حفظ عزها اوكرامتها دين المصطفى الهادي= ضمن الها سعادتها دين المصطفى الهادي= وضع الها مهابتها نطاها سوره بالقرآن= روح وطالع السوره نرد اردود للمولود =ونهني عمه ابو طالب ابجهاده ثبت هذا الدين= حماه او نفذ الواجب بذل جهده اوحمه دينه= دون المصطفى ايحارب لعد التعبد الاوثان =ابجهلها دوم معروره ونهنىء آمنه امه= ابها المولود وافراحه ابربيع اسباعطش منه= علينه بزغ مصباحه شمينه عطر منه= وهاي الريحه فواحه ابميلادك يبو ابراهيم= هاي الدنيه مسروره انته اللي انقذتنه وبيك =احنه اليوم صرنه اسلام اورايتنه يبو ابراهيم =دوم اترفرف اعله الهام صداها هز ربوع الكون= الها تشهد الايام خاضت كل غمار الكون =دوم ابنصره منشوره