يـل دم نـحرك خـلد ذكرك         يـــا كـعـبـة كــل الاجـيـال
تـبـقى الـخالد انـته الـقائد         واسـمك عـالظالم زلـزال

يـا صـوت الـحق بيك نثور         ضــد الـظـالم ضـد الـجور


يـحـسين بـحـبك مـسرانه         يـامـلـهـم كــــل الــثــوار
شـعـبك احـنه ومـا نـتوانه         عــنـك يــا رمــز الاحــرار
والـرايـه اتـرفـرف ويـانـه         مـن نـمشي لـصوبك زوار
بـايـعـناك وهـــاي دمــانـه         نـرخصها احـنه ازغـار كبار

يـــا هـاديـنـه يـــا والـيـنـه         فــايـز يـحـسـين الـــولاك
لـكـطع الـمـنحر مـانـتأخر         نـعيش نـموت ويـاك وياك

صـرخـة كــل الـمظلومين         يـا نـبراس اصـحاب الدين


شـيعتكم يـا سـبط الهادي         بـتـقـرير الـــدم بـايـعـناك
وهاي انصارك تبقى اتنادي         يـبن الـزهره انـموت وياك
بارض الطف بذاك الوادي         ريــت ويـاكـم جـنه هـناك
ولا تسحك صدرك وتغادي         أبـحـافرها خـيـول اعـداك

من سحكتك مردت جبدك         وانــتـه مـوسـد بـالـميدان
ريت بصدري راحت تجري         ولا تـسـحك صـدر الـقران

يـحـسين وصــدرك تـأويل         لايـــات الـحـق والـتـنزيل


يـحسين ومـن يوم العاشر         يـنـصـبلك مـأتـم هـالـكون
بـيه جـدك والزهره اتناظر         لــلـيـبـجـون ولـلـيـنـعـون
هـذا الماتم ماضي وحاضر         مـوروث الحق والمضمون
والـدمعات الـصوت الهادر         يـــا ســـر الله الـمـكـنون

هــذا الـمـنبر حـق يـتفجر         بـذكـرك يـا نـور الاشـراق
مـنـكم يـمـتد ضـل يـتجدد         هـالـمـأتم رمــز الاحـقـاق

يــل دمـك احـيى الاسـلام         نـحيي الـمأتم عـام وعـام


يـابو الاكـبر فـاض المدمع         لـمـصـابـك يـــا ثـــار الله
مـا نـنسه الـخدّر والـرضع         وهـيـهات الـقـاسم نـنساه
كـل يـوم انـعاين لـلمصرع         لـعـبـاس وكـطـعة يـمـناه
يـبـن الـزهره ولـو نـتكطع         مـا نـنسه الـسبي ومـعناه

سـبي العتره يسعر جمره         بـكـلب الـحـبك يـا مـولاي
لـمحنة زينب نثور ونغضب         مـسـبيه وتـنـعى الـحـماي

مـعـنـاه بـفـكـر الاحـــرار         لـخـتك زيـنـب اصـبـح ثـار


جــم ظـالـم جـنـد احـزابه         وحـارب خـطك يـا مظلوم
وهـــذا الـتـاريـخ وابــوابـه         مـفـتوحه بـطـغيان الـكوم
ضـربـوك بـسـيف ودبـابـه         بــذاك الـيوم وهـذا الـيوم
ويـنـه الـعـباسي وارهـابـه         ويـنـه الـصدامي الـمهزوم

الــعــاداكــم والاذاكــــــم         بـنـار الـتـلفح ضـل مـثواه
والــحــبـاكـم والـــولاكــم         فـــايــز بـالـمـحـشر والله

يـحـسين وطـفـك بـركـان         هـدّ عـروش اهل الطغيان