يــا زعـيـم انـصـار سـيـد الـشهداء         بـتـضحياتك يـنضرب مـعنى الـفداء
حـسـين بـالطف ادخـرلك هـاللواء         هـنـاك مـعـقوده الـك فـي كـربلاء

يـا حـبيب حـسين سـماك الـحبيب         وهـذا مـحبوبك صبح بالطف غريب
يــدري بـيك هـناك عـنه مـا تـغيب         ومـا تـخاف الموت يا نعم المجيب

يـبـن ظـاهر انـته رمـز الـتضحيات         وبـجـهـادك يـنـفـتح بـــاب الابـــاة
لـنـصرة الـمـظلوم طـلكت الـحياة         وعـن حـياض الدين حاربت الطغاة

بــيـك تـتـمـثل صــفـات الـمـتقين         وبــولائـك انــتـه مـصـبـاح الـيـقين
انــتـه يــا نـاصـر امـيـر الـمـؤمنين         حـقه مـن يـرثيك مـولاك الـحسين

صـحت دون حسين نتحدا الصعاب         وعله حبه ايصير من دمنه الخضاب
ولـعـقـيلة هــاشـم وام الـمـصـاب         دون خــدرج كـلت نـكطع لـلركاب

كـبـل هـاشم نـنزل لـسوح الـجهاد         نـفدي سبط المصطفى خير العباد
واجـــب اتـحـتـم عـلـيـه الاعـتـقاد         احـنـه لـحـسين انـخـلقنه وبـالمعاد

هــاي أنـصـارك يـبـو الـيـمه تـريـد         بـالـعهد يـحـسين تـنـطيك الـوريـد
هـاك اخـذ مـولاي من عدها شتريد         بـاجـر نـخلي الـحرب يـوم الـوعيد

يـبـن ظـاهـر وانـتـه بــواب الامـام         واحـنه يـمك نـوكف ونـقره السلام
لأن كّـــل اســمـاء زواره الـكـرام         انـتـه تـكـتبهه بـسـجلك يــا هُـمـام