حَادِي ذِي الْقِعْدَة إِلَى الْكَاظِمْ سَطَعْ بَرْضِ الْمَدِينَة=نُورْ بِنْتَه فَاطِمَة الْمَعْصُومَة عَلْگُوا اللَّيلَة زِينَة خِيرَةِ النِّسْوَانْ إِخْتِ الرِّضَا عِنْوَانِ الدِّيَانَة=صَاحِبَةْ عِزِّ وْشَرَفْ عَالِي أُوأَخْلَاقُ وْأَمَانَة لَمَّا جَتْ لَلدِّنْيَه ضَوَّتْ كُلْ أَرَاضِينَا وْسَمَانَا=غَنَّى طَيرِ الْجَوِّ يِطْرُبْ إِبْتَغَارِيدَه وْ لُحُونَه جَلْ قَدِرْهَا وْمَنْزِلَتْهَا وْشَانِهَا عَالِي وْمُعَظَّمْ=مِثِلْ حَوَّاءُ وْمِثِلْ آسِيَة وْأُمْ عِيسَى اِبْنِ مَرْيَمْ طَاهِرَة مْنَ اَرْجَاسْ صَفَّاهَا الْعَلِي مِنْ كُلِّ مَأْثَمْ=بِيهَا يِقْضِي اللهْ حَاجَاتِ الْقَوِي فِيهَا يَقِينَه عَنْ أَبُوهَا لَاتِسَايِلْ مُوسَى بِنْ جَعْفَرِ الْكَاظِمْ=بَابْ حَاجَاتِ الْمُوَالِي صَاحِبِ الْعِزْ وِالْمَكَارِمْ وُمْهَا أَكْرَمْ أُمَّهَاتِ الْخَلِگْ مِنْ دُونِ الْعَوَالِمْ=وَالْأَخُو مَوْلَاي إِلِّلي يْحِبَّه لَلْجَنَّة ضَمِينَه فَاطِمَة الْمَعْصُومَة قُدْوَة فِي مَوَاقِفْهَا وْخُلُقْهَا=خَلَّه بِيهَا تِقْتَدِي الْبِنْتِ اِلْتَحَافَظْ إِلْشَرَفْهَا فِي الْحِجَابُ وْفِي الْعَبَاءَة الزَّيْنَبِيَّة وْكُلْ أَمِرْهَا=لَا تِتَابِعْ لِلشَّرِقْ وِالْغَرِبْ وَاَفْعَالَه الْمُشِينَة مَرْقَدِ الْمَعْصُومَة فِي قُمْ تِنْفِرِجْ عِنْدَه الشَّدَايِدْ=نِسْأَلَ الله إِنَّه يِرْزِگْنَا الزِّيَارَة لِلْمَشَاهِدْ وْيِسْتَجِيبِ الدَّعْوَة مِنَّا اِبْحَقْ بِنِتْ مُوسَى الْمُجَاهِدْ=وْيِغْفُرْ اِلْنَا وْ كُلِّ مَنْ يِحْيِي لَذِكْرَاها الثَّمِينَة