خذ ولائي كربلائي لو تعبن الرجلين=أوصل زحف لحسين خذ ولائي كربلائي مجنون وحُبك علمني=ما ساوم واخضع هيهات هيهات الذِّلة إتعاشرني=والمات إبدربك مامات چم طاغي الحاول يمنعني=وأرفع رآيات الثارات لبيك الحد گطع المنحر=صوت الدم يصنع ثورات في دمائي يا رجائي أثبت أُوصول الدين=أوصل رحف لحسين خذ ولائي كربلائي شايل يوم الطف بعيوني=وإبجفني إتنام الأحزان نتعلم من هذا المنبر=نصنع ثورة على الطغيان ملتزمين بهاي الخدمة=بس هالخدمة إتعلي الشآن وحسين اليرفع خدّامه=وإيخلي الخادم سُلطان في حياتي أو مماتي وي لهفت الماشين=أوصل زحف لحسين مشايه إتگصدك أنصارك=عالعاده ورغم الأخطار كل گطره السالت من نحرك=أُنشودة ابدرب الأحرار كل دمعه إبدربك محسوبه=وإبكل خطورة إنصيح الثار ويتمنه العباس اچفوفه=من يسمع صوت الزوار لاح ضيفي أين كفي وينادي دمع العين=أوصل زحف لحسين وإبدرب الطف لاحت رايه=رفّت بكثر من تصريح تهتف لبيك وثار الله=وين إتميل يهب الريح رايه وچف حيدر لازمها=من إطيح الگاع إطيح أصغي وإسمع صوت الرايه=وينك ها يالمهدي إتصيح شبلُ حيدر حين يظهر وينادي بالضلعين=أوصل زحف لحسين مولاي إبخدمة زوارك=صارت محسوده الخدّام كل ظنه الظالم يرهبني=من صدّر حكم الإعدام أتلگى الزاير بدموعي=هاك ارموشي إتغطى وانام أتشرف بتراب اجدامك=وصفة إترابك للآلام قطعُ نحري تاجُ فخري وينه المنعني وين=أوصل زحف لحسين من إبعيد الگبرك أمشي=وأسبح من دمعي المسفوح وأسمع صوت يجر ابروحي=وچف مگطوع هناك يلوح يستقبل زينب والعيله=والموعد يم المذبوح وإنواسي السجاد إبصبره=وإنداوي الگلب المجروح صاح قلبي إي وربي لو بالعمر يومين=أوصل زحف لحسين