أربع سنين بعمرها=لكن تأمل قبرها طفلة وعندها الزوار .. تتوافد ليل نهار .. علم ونار ونور شوصف لك معناها=على يسراها الجود والفضل بيمناها صعد بها التاريخ والمجد تغناها=يا رقية الصارت كعبة ونتعناها بركات العالم لو يوصل أدناها=ترى كل الدنيا مرقدها تمناها يا شهيدة وظلت آية ورتلناها=ويتيمة بالروح والقلب ألحدناها ما يخيب اللي يمرها=دمعة عيونه يدرها هاي المنها الأنوار .. تتوافد ليل نهار .. أربع سنين بعمرها=لكن تأمل قبرها طفلة وعندها الزوار .. تتوافد ليل نهار .. وإذا وصلت الشام وضلوعك مشتعلة=لظى شوق وحسرات بجروحك متصلة على ذيج الأعتاب حول همك حوله=نهر دموع اجري واذكر هاي الطفلة ولا تنسى اللي صار عرج وهلة بوهلة=بجت ونادت بويه اللي عني تخلى ولساعة لنها تلقى الراس منذهلة=أسف شهالموقف ما يتكرر مثله حارت الناس بأمرها=ميتة لو تكتم صبرها وظلت عنها الأخبار .. تتوافد ليل نهار .. أربع سنين بعمرها=لكن تأمل قبرها طفلة وعندها الزوار .. تتوافد ليل نهار .. عجب وسايل وين قبر يزيد وابن زياد=ولا منهم آثار غير اللعنة وتزداد على كل طاغي بسوط ورم ذيج الأجساد=على كل ظالم راد واسأل وين اللي راد ورقية الحرة ظلت رمز الأمجاد=صحن ونفحاته جازت كل الأبعاد بقت سنين ولا غابت عنها الوفاد=بقى ضيم المحنة عايش فينا وعاد الله أيدها ونصرها=والدهر أصبح دهرها شيعة ومثل الأطيار .. تتوافد ليل نهار .. أربع سنين بعمرها=لكن تأمل قبرها طفلة وعندها الزوار .. تتوافد ليل نهار ..