الفقرة الثانية هالليلة الأيتام=تبﭽي عليها أكبر من الأيام=حزن اللي بيها طفلة و تجري في دمنا في هلزمن يتمنا الميت من يموت أهله=تجتمع عليه للعزيه و الملا يحضرون و=كل من مسك بيده ﭼفه خيه و للأبو تﮕصد العالم=تشفﮓ عليه بهلرزية لله تسترجع تهون و=ما وﮔع بيه من أذيه كلنا هليوم=جينا كل شيعي محب دمعه في عينه نعزي لكن=المعزي و صاحب المفقود وينه نعزي راسه=نعزي ﮔلبه و خنصه نعزي جبينه نعزي جسمه=خيل أمية بالوطية موزعينة رقية=عزانا إنتي و تعازينا رقية=و لا عنﭻ تسلينا رقية=ياكل الألم و سنينه رقية=أبوﭺ بهلمسى وينه تسأل الوفاد عن أبو السجاد=وينه نبدي له تعازينا لمن نعزي طفلة المذبوح=نعزي فيها بنحره و وتينه نعزي الليلة عبد الله=أخوها لو نعزيها و عبد الله انذبح ضامي=ياحسرتها على ضاميها نعزي سكينة و سكينة=خبرها عند أهاليها نعزي الأكبر بأخته=على الأكبر جرح بيها ما ظل الا نعزيكم=يا شيعة عالجرى عليها و نقرأ الزلزلة علينا=و نقرأ الفاتحة عليها و دار العزا علينا .. يا من يعزينا .. و يعزي ضيعتنا و فجعتنا=غربتنا نار اليوم غربتنا يمها ﮔللب أمها .. و نار الغضا بدمها .. هضم اللي يهضمها يهضمنا=طفلة و فﮕدها اليوم يتمنا إنتي أم تروي الطفولة بونها و انتي حنة بينا الزمن حنا يا أرض كل وردة تنبت منها تسأل نجوم البراءة عنها طفلة لكن ﭼم طفل ضميتي في صوابﭻ ﭼم جرح خبيتي في عينﭻ آيات اليتم صبيتي نادتﭻ زهور السما و لبيتي ميت من يموت في أرضه يدفنونه=لا عن أحبابه و أهل بيته يبعدونه و إنتي في الغربة انغرستي غصن زيتونه=غبرﭺ تزين به العالم يا مزيونة بﮔللبي مناره .. بحبﭻ=تناطح .. بالسما الغيمات و في روحي بذره .. منﭻ=يا حرة .. تنزرع جنات ﮔبرﭺ العالي يناطح ﮔبة الجنة=و الملايك صاعدة أنواره تتعنى تلزم ترابﭻ يا حرة بلحظة تتمنى=و الشمس ينفجر ضيها لونﭻ تدنى يا نجمة تضوي .. في دنيا=عاشر .. و الضوا جراحات يوم التمري .. بسمع=المشاعر .. تسكر الأبيات