و ردت أولاده عﮕب دفنه=هذا و الكوفه تموج بحزن موار ﭼني بالحوره تجر ونه=و الله ضليتي خليه بعده يا دار و أقبلت أولاده تسﭽب دمعة العين=الحسن و محمد و عباس و حسين و زينب تﮕلهم حسافة فرﮒ البين=وينه ياخوتي باب العلم وين وين اللي يسكن روعتي=وين اللي ينشف دمعتي من بعده طالت غربتي=و تزلزل الدين ﮔفره يا داره و موحشه=زيدتي نيران الحشا اتذكره كلما مشى=بنوره تزهرين ماتردو يا نشامى=وينه أبو اليتامى ما ليه عنه يا=خوتي أبد صبر .. عن حسنه و كلامه التقوى و الشهامه=و العزة و الكرامة يا خوتي أنﮕضت=يوم اللي اختفت .. من وجهة الإبتسامة يا داره اللي ازهرت منه بالانوار=اشوفﭻ في هالمسا محزونة يا دار ﭼا وينه الليلة عنﭻ حامي الجار=بعد عينه تألفي للهم و الأكدار عنﭻ يا دار وينه الكرار لو ريد دنياي وينه دوار بﮕت دور المجد و المعالي خليه=تسيل على الأحبة المدامع جرية يا داري على الهضم و الحزن وشبيديه=بعد عينه الفضا و الله ضايﮓ عليه علي يا ذرانا .. علي يا حمانا=علي يا أرضنا .. علي يا سمانا فجيعة و وجيعه .. يا كهف الوديعة=صدعت الشريعة .. شعبت الديانه قم و رع نهجه عدله ميزان=الفريد النوع في زهده و تقواه العلي شانه ماعظمه شان=العطوف الحاني على صار ينخاه الطهور الصافي عين العفه ماتقاه=الصبور الشاب عالكفار و عداه الكريم البار وافي جوده و امداه=ماجمله ماروعه هلروح تفداه الدنيا عنده فانيه=ما تساوي خصفه من نعل منبوذه منه و نائيه=ما غرته يوم الدنيا ﮔايدها يضل=ما ساعة دنيا ﮔادته هيهات هذي تفتنه=لو ساعة تحوم هذا أبو المعالي=عالي مقامه عالي اسمه البطل علي=بأعلى الرتب علي .. بدايم اتصالي راوي البرايا فضله=مسك السعادة أصله ما مثله في الورى=و حﮓ الذي برى .. ماحلى وصوفه محلى علي النجمه في الظلم و البسمة و النور=علي الصحوة في الزمن في لجة الجور علي النصرة للمحن من كل أذى و سور=علي قصة الوفا و الجنة و الحور سلطان الأزمان علي الدنيا تضل في عيونه مهانه=علي ما ينعرف بالغدر و الخيانة علي أعظم خليفة أشتهر باتزانه=علي الماسه علي الجوهرة و الجمانة علي ما أجله .. يضل عمري ضله=علي أغلى حله .. و سيف الأسله يامرحمها طله .. يامطيبها فله=علي أنته المعزة .. و رحيل المذله