الموشح زينب لحسين أخوها تسايله باﭼر من بعدك يحمي العايله يا حسين ابن امي=روحي عليك مذهوله هلليله و ﮔللبي=خايف من هلليله لا تﮕلي باﭼر=ابﮕى ويا العيله و تروح و تخليني=بفرﮔاك معلوله يحسين و ما اﮔدر=احمل بعدك آلام يا خويه و تدريني=ﮔللبي بفﮕدك ينظام ﮔوم و ردني بهلليل=لدياري يا ضرغام خايفه يابن امي=تغدر بنا الأيام ردني هالليله خويه للوطن ماﮔدر يحسين تدريني على المحن زينب لحسين أخوها تسايله باﭼر من بعدك يحمي العايله يا زينب هلليله=أوصيﭻ بوصيه باﭼر يختي شوفي=ني على الوطيه و تصبري ولا=تشﮕي الجيب عليه و تكفلي باليتا=مى ياخيه باﭼر ﭼنه يختي=عالغبره تشوفينه كافل خدرﭺ عباس=متﮕطعه ﭼفينه و آنا ﮔبالﭻ ممدود=و المدمع تروينه لو شفتي الشمر=يهز نحري لا تحاﭼينه صبري عالضيم يا زينب و الألم هذا المكتوب علينا من القدم زينب لحسين أخوها تسايله باﭼر من بعدك يحمي العايله محزونه و هلليله=و لأجلك وجعانه ما تسمع يا خويه=افادي و احزانه ما تنظر دمعتي=سالت هتانه ياللي اسمك في=ليلي امتدت اغصانه يحسين و هلليله=في العيله ﭼم ونه يا فراﮔك يفجعنا=محنه ويا هي محنه بعدك يا روح=الروح يتبدد شملنا منهو يباري العيله=لا لا ترحل عنا بعدك نرحل يا خويه معلله ما تسمعها تنادي الثاكله زينب لحسين أخوها تسايله باﭼر من بعدك يحمي العايله يالمرمي يا نجمي=الطايح بالغبره يالورده لكن في=الرمضه معتفرة يالجسمك آل اميه=حزت نحره ما اﮔدر انظر=بالحافر تكسره والله مزﮒ ﮔللبي=جنبه مرمي طفله مذبوح على صدره=مصيوب بﭽم نبله جرحك ﭼنه جرحي=في ﮔلليبي احمله ما انساك و حبك=وينه الﮕى مثله أصرخ يا حسين عليه و ناحله يا نور العين و أني المدلله زينب لحسين أخوها تسايله باﭼر من بعدك يحمي العايله خويه و هلليل=روعني يا ضي عيني بينك ياحسين ﭼم=ونه و دمعه و بيني طول الوداع=ايدينه بين ايديني باﭼر الاحباب يا كل=عمري مضيعيني حسرة بﮕلبي حسرة=دمعه بعيني جمره في ﮔللبي يا خويه=عين و ضلع الزهراء فوﮒ الهزل باﭼر=اتعذب و الصحراء يالعمري و كل روحي=فدوى لروحه و عمره ليلة و الخيول علينا جايله تبﮕى الخيمات علينا و ثاكله زينب لحسين أخوها تسايله باﭼر من بعدك يحمي العايله يا اخواني توصوني=احرس هلعيله و احرس هلأيتام=و آني مالي حيله منهو اللي وصيتونه=عليه هلليله حرمه و ضعيفه=من هلنوح منحوله ﮔللبي مو صخر لا=يا حسين و ماريده ماريد آنا هلنوح=باﭼر دمعي يزيده و شهلبلوى الما تنشال=و ﮔللبي الهم يعيده ماظن بصبر يحسين=روحي تظل ممروده شلون أتحمل من بعدك هلسبى و آني بنت حيدر و جدي النبي