يمه ذكريني=من تمر زفة شباب من العرس محروم=حنتي دم المصاب شمعة شبابي .. من يطفيها .. حنتي دمي=و الﭽفن ذاري التراب يمه ذكريني=من تمر زفة شباب أﮔبل المظلوم لازم=جاسم و نوره يتلالا يطوف من خيمة لخيمة=و ينتخي تزفه رجاله طلعت بدهشة الحراير=ذاهلة و تبﭽي على حاله و شافته الحوره تﮕله=غطي بلثامه جماله و عينه يَم أمه=تنتخي و تبدي النحيب و يﮕلها يا يمه=روحي فدوى لهلغريب و لجله أضلاعي .. خل يطحنوها .. حنتي دمي=و الﭽفن ذاري التراب يمه ذكريني=من تمر زفة شباب يمه ذكريني=من تمر زفة شباب من العرس محروم=حنتي دم المصاب شمعة شبابي .. من يطفيها .. حنتي دمي=و الﭽفن ذاري التراب يمه ذكريني=من تمر زفة شباب شِبﮕت على الراس زينب=تبﭽي و الموقف ذهلها تستمع نخوات أخواه حسين=و كل خيمة و دخلها بس وصل خيمة بوفاضل=وﮔف و الدمعات هلها و رجع محني الظهر ينحب=و شيبته بدمعه غسلها نادا يا زينب=يَأم كلثوم و يا رباب فزعَن النسوة=و ﮔومن نزف هالشباب جاسم ينادي .. أمي وصوها .. حنتي دمي=و الﭽفن ذاري التراب يمه ذكريني=من تمر زفة شباب يمه ذكريني=من تمر زفة شباب من العرس محروم=حنتي دم المصاب شمعة شبابي .. من يطفيها .. حنتي دمي=و الﭽفن ذاري التراب يمه ذكريني=من تمر زفة شباب يَبني خط ﮔبال عيني=بشخصك أتأمل و اصوره انته يا بسمة شفاتي=يَبني يا كل المسرة انته يا بستان عمري=الخلا كل دروبي خضرا لو تفارﮔني يا روحي=بعيني كل الدنيا ﮔفره قبل ايديها=و كفكف دموعه التسيل تأمل بجسمي=و آنا بدمومي غسيل ﭼفوفي من دمي .. خل يحنوها .. حنتي دمي=و الﭽفن ذاري التراب يمه ذكريني=من تمر زفة شباب يمه ذكريني=من تمر زفة شباب من العرس محروم=حنتي دم المصاب شمعة شبابي .. من يطفيها .. حنتي دمي=و الﭽفن ذاري التراب يمه ذكريني=من تمر زفة شباب لِزمت رﭼابه المصونه=و تنتخي بذيﭻ الشهامه خوفي لو ترحل يا جاسم=بعد ما تحصل سلامه ﮔلها يا يمه اعذريني=الملتﮕى بيوم القيامة تشوفي ﭼفوفي بدمي=محنَيه و هذي العلامة و الله يحلا لي=بالوغا صوت الصليل عرسي بالحومة=بس أظل بيها جديل و خيمتي بدمي .. يمه زينوها .. حنتي دمي=و الﭽفن ذاري التراب يمه ذكريني=من تمر زفة شباب يمه ذكريني=من تمر زفة شباب من العرس محروم=حنتي دم المصاب شمعة شبابي .. من يطفيها .. حنتي دمي=و الﭽفن ذاري التراب يمه ذكريني=من تمر زفة شباب