أشوف بعيني ﮔطع نحرك=و أحس بﮕللبي سهم ﮔللبك ألوذ بجرحي لوين=و بفادي نارين شيطفيها يَحسين .. مصابك خويه ذوبني و ﮔللبي إحتار بﮕيت محَيرة بنارين و صعب أختار أصد لك لو لخدري اليلتهب بالنار سياط عداك تروعني يَبن الأطهار و على صوابي و بلواي=سهم ﮔللبك بحشاي يآلمني يَحسين .. أشوف بعيني ﮔطع نحرك=و أحس بﮕللبي سهم ﮔللبك ألوذ بجرحي لوين=و بفادي نارين شيطفيها يَحسين .. نصب عيني ﮔطع نحرك أويلي عليك على التربان يَروحي و تِفحص برجليك يَبعد أهلي و لا أﮔدر أوصل ليك يتامى لِزمت أذيالي تريد تجيك أشد عزمي ليا صوب=وسف ضاعت الدروب حِرت خويه بنارين .. أشوف بعيني ﮔطع نحرك=و أحس بﮕللبي سهم ﮔللبك ألوذ بجرحي لوين=و بفادي نارين شيطفيها يَحسين .. علينا أ ظلمت يَحسين أرض الطفوف و راسك عا لي بالعسال و عيني تشوف لﭽني بخَيك العباس أبو المعروف على المسنات يتﮕللب بليا ﭼفوف و على مصابك الأجساد=تون يابو السجاد تضج بالدم يَحسين .. أشوف بعيني ﮔطع نحرك=و أحس بﮕللبي سهم ﮔللبك ألوذ بجرحي لوين=و بفادي نارين شيطفيها يَحسين .. أغمض جَفني و أتحسر و أصيح أنئاه يَليت الموت ﮔبل نحرك أخذني وياه مصابك وَ الله يَبن أمي صعب أنساه أظل كل عُمري أتأوه و لا أسلاه لظل أبﭽي و أنوح=لمصابك يالمذبوح و لا يجف ماي العين .. أشوف بعيني ﮔطع نحرك=و أحس بﮕللبي سهم ﮔللبك ألوذ بجرحي لوين=و بفادي نارين شيطفيها يَحسين ..