الفقرة الثالثة أي عيشٌ يُطاق=بعد هذا الفِراق فاطمٌ لا تغمضي عينيكِ عنا على النظرة الي مرت=على وجوه اليتامى أظنها الليله ذِكرت=رسول الله و كلامه هذا موقِف حضرها ظل يموِج فكرها يوم إجا الهادي ﮔللبه حيران بالألم صادي فايض أحزان و بيده سلمها أربع أﭼفان و عنها علمها و دمعه غِدران يﮕول تعنى لهفان=اليه بشوﮔه جبريل و بيده الأربع أﭼفان=يَزهرا و مدمعه يسيل سلم أوَل عليَه و تالي سلَمها ليَه الله أرسلها و شاء و قدَر إلنا فصلها بعالم الذر هالعدد حكمه سرها يظهر و حدد بعلمه و ذاته أخبر هاي أول ﭼِفن منها علشاني=من أرحل و يظل خالي مكاني و الثاني الﭻ يا ضي زماني=يا مرسى حنيني و كل حناني إنتي الي بعدي=بيها مَيطول العمر و إنتي الي تلفيني=و ضلعها منكسر و إنتي الي مَيدلي=الزمن ليها ﮔبر اللَطمة و العصرة مكتوبه يا زهرا و الثالث لحيدر جرحه معلوم=من تغرﮒ صلاته بطبرة و دموم و الرابع يَزهراء للحسن يوم=يمشي بحزنه عن هالدنيا مسموم ﮔالت ختمت أﭼفانك=و باﮔي المحن لحسين أشوفك بويه=مو حاسب ﭼفن لو ما يعز على=الﮕللب مثل الحسن جاوَبها بالعبرة مأجورة يا زهرا إنكسَر خاطر الرسول .. و على خَده الدمع همول .. وِشيﮕول للبتول=يدري بحسين ومصرعه المهول لا غسل لا جنازة له .. حاله يصعب في كربلا .. بالفلا منهو له=من يلفه و في نعشه يحمله جذبت الونين=آه يا نازف الوتين يَبني يا حسين يا حسين مصرعك يحين=و انته ما إلك معين حيرة يا حسين يا حسين عنك الليلة أرتحل .. و آني لك ﮔللبي منتحل .. يالتظل منجدل=عالثرى و دم وتينك الغسل يالي ما ترحمه العدا .. بالثرى بروحه تفرده .. للردى بلا ردا=عاري بالأعوجيه تقصده مشهدك حزين=و الحجر رمى الجبين محنه يا حسين يا حسين ما بﮕت لي عين=وين ألاﮔي روحي وين و أنعى يا حسين يا حسين