يـاشـيـعه بـحـزن عـالـراح         ونـــوا بــكـل وكــت ونــه
ســـادس نـــور بـالاكـوان         هــالـيـلـه رحـــــل عــنــه

ونـــوا بـكـل وكــت ونــوا         وهـلـوا مـن الگلـب دمـعه
وخــلــوا الـعـالـم بـكـبـره         يـــاخــذ مــنـكـم ويــنـعـه
الـصـادق بـالـسمه عـنوان         وثــابـت بـالـعرش فـرعـه
الـيـواسي بـمـصابه الـيوم         يــواسـي ويـظـمن الـجـنه

بـدمـعات الـحـزن عـالراح         واجــــب وبـلـهـيب الــنـار
بـمصاب الصادق أتواسون         طــه الـمصطفى الـمختار
واتــواسـون ابـــو الـعـتره         حـيـدرنـه عــلـي الــكـرار
امــن الـصادق عـلم يـاخذ         يــاخـذ كـــل وكــت مـنـه

يـاشـيـعه بــدمـوع الـعـين         غـــرگوا الـعـالـم بــأسـره
ودگوا اعـله الـصدور اليوم         او واسـوا فـاطمه الـزهره
مـسـموم ورحــل هـاليوم         عـنـكـم ســـادس الـعـتره
واجب من دمه اعله الراح         الچف الـــيـــوم يــتـحـنـه

على أمصابه بگلب مجروح         خــل تـنزف دمـاها الـعين
الـصـادق مـثـله مـاموجود         ولاجــابـت الـدنـيـا اثـنـيـن
يـكـفـي لــو عـلـيه گالــوا         هــذا أبـن الـشهيد حـسين
وتـنـسه امـصيبة الـمذبوح         مــنـهـا وتگطــــع الـضـنـه

لــتــقـصـرون لــلــصـادق         ونــــوا بــلـوعـة أحــزانـه
لأن الــزهــره بـالـمـجلس         الـلـيـلـه حــاضـره ويــانـه
عــزوهــا بـأبـنـها الــشـال         نــهــج الــديــن وأركــانـه
والــتـرضـه عـلـيـه حـتـمـاً         الــزهـره بـعـمـره يـتـهـنه