قـالـولي بـتـحب مـصر فـقلت مـش عـارف
لا جـيـتها سـايـح ولانـي أعـمي مـش شـايف
شـفت ام هـاشم بـترمي حـجارة في الأزهر
وشـفت اخـوها الـحسين وابـنه عـلى الأكـبر
والـقـاسـم بـــن الـحـسـن نــوارة الـعـسكر
لــه أربـعـة وعـشرة فـي الـسن مـش أكـتر
وشـفـت مـولانـا عـبـاس ابــن سـيـدنا عـلي
مــاشـي وجــايـب مــعـاه الـقـربـة والـرايـة
شاف اخته وولاد اخوه في الحرب عطشانين
والـصـهد خـلـى الـمطر جـوة الـغمامه غـلي
حــارب لـحـد الـفـرات وحــده ومـلا الـقربة
قــام الـعـدى قـطعوا كـفوفه شـمال ويـمين
ومـات فـي شط الفرات بين أهله وف غربة
مــن طـيب تـرابهم شـواشي الـنخل تـتعطر
وكــل أهــل الـعـراق مـن ده الـتراب نـابتين
يـسـقو الـعـطاشى لـكـين بـين اهـلهم غـربا
لـوحـدهـم فـــي الـمـلـمة وأهـلـهم مـلايـين
يـــا مـراجـع الـتـواريخ يــا مــدرس الـثـنوي
الـمـجزرة ف كـربـلا كــت لـيـلة والا سـنـين
قـولـلـي وإمــتـى وفــاة آخــر أمـيـر أمــوي
وكـل بـيت فـي الـعراق من يومها بيت نبوي
وكــل أهــل الـعراق صـاروا حـسن وحـسين
إتـوضـوا يــا زايـرين أصـل الـعراق مـصحف
مــصـحـف وكــــل بــنــي آدم هــنـاك آيـــة
أتـوضـو دالـلـي عـلـى الـقـرآن مــا يـتـعرف
كـــافــر لأن الـــصــلاة لازم لــهــا قــرايــة
أتـــوض يـــا زايــريـن واتـبـاركـو بـالأعـتـاب
ده كـــل حــتـة حــجـر مــن خـلـفها حـكـاية
دول الـلي خـلو الـلغة فـوق الـحيطان لبلاب
مـنـقوشة فــوق الـجـوامع كـل مـبنى كـتاب
شـاعر رسـم إسـم مـحبوبته عـلى المحراب
وشـيخ فـي مـدرسته ونـجوم الـسما طـلاب
أتـوضـو يــا زايـريـن ده الـخـير فــي عـتباته
ده راعـــي يـرعـى الـقـصايد تـحـت نـخـلاته
ده الــمـبـتـدأ والــخــبـر مـتـربـيـين عــنــده
بـعـد الـسـفر فــي الـكـتب يـيجوا هـنا يـباتو
يــا مـهـر لا فــي جـمـال قــده ولا ف عـنده
فــي الـحـسن والـحـزن دايـمـاً بـالـغ الـغاية
والـدهـر طـول عـمره عـاجز يـعلى صـهواته
وزيــنـب الــحـرة حـاضـنـه الـمـهـر بـعـبـاية
وشـفـتها جـايـة تـرمـي حـجارة فـي الأزهـر
وشـفت اخـوها الـحسين وابـنه عـلي الأكـبر
وشوش في وسط المظاهرة أو صور بتفوت
يــا إمــا هـمـه يــا إمــا نـاس شـبههم مـوت
والله والله كــــانـــو بــيــهـتـفـوا مـــعــايــا
إمـــا ضـحـايـا قـنـابـل أو ضـحـايـا ســكـوت