ابمنهج الصادق تره اتسميّنه = جعفرية اونفتخر واليّنه جعفرية احنه ونوالي حيدرة=نفتخر نهواه اعظم مفخرة جعفر الصادق نهجنه القرره=مذهب الشيعة رفع تكوينه يكتب من النور أحرف لامعه=خله للأسلام أعظم جامعة نفتخر للموت احنه انشايعة=وها الفخر طول العمر يكفينه جعفر الصادق حمه الدين اوحرسْ=واستنار ابعلمه مالك بن انس يذكر النعمان من عنده درس=جا هلك لو ما فضل سنتينه لوله ها السنتين في جهله هلك=صرَح النعمان بأقطار الفلك واحنه واحدنه ابطريقه من سلك=الرفعة المذهب غصص عانينه اثّر مدرسته أشتهر بالأتفاق=بالمدينه او طال أفاق العراق قيّم ابطلابه من مؤمن الطاق=وابهشام ابن الحكم تلقيّنه يا المغرّبْ وين عن نور الشرق=عميه بيك العين ما تلحظ فرق نهجك التدليس منهجنه الصدق=والصدق يوم الحشر ينجينه ابفكَد ابو الكاظم تره الدين انثلم=والشرع ينعاه بدموع الألم بالغدر مسموم والعمره انختم=بالشهادة والنصر تثمينه هاي لجله اتنوح ارض الله وسماه=والملك جبريل للصادق نعاه وحنه رددنه ابحزن واجعفراه=آه على أمصابك يبن هادينه