الإمام الرضا (عليه السلام) جينالك .. بالحبْ والسعاده وانﮕلّك..حُبنا لِكْ عباده قدّمنا تهانينا=هالليله يوالينا جينه ابشرف حُبّك=نسأل وحَقْ ربّك وين اليدلِّينه=عنْ سرّك ودربك ولن صُوت اجانه اليوم=من كل ﮔلب حَبّك ما من درب إلاّ=متكحّل ابتربك آثارك .. مشهوده ابفضلها واخبارك .. ربنا اللي نقلها إنته اللي تجازينا=هالليله يوالينا احنا التعوّدنا=نظهر إلك ودنا رغم اليجافينا=ورغم الإجا يضدنا أغلى وأعز منّك=لا والله ماعدنا لو نمشي يالوالي=حبك صبح سِدْنا ننصبلك .. هالحفله يوالي وابفضلك .. هالفرحه تلالي وبالفرحه توالينا=هالليله يوالينا هالليله فرحتنا=يالوالي شملتنا وابكل ﮔلب غافي=مزروعه بهجتنا من حﮕنا لو نفرح=نظهر مودتنا وبالشدّه لو طحنا=تصبح وسيلتنا ميلادك .. يتلاله ابدربنا واعيادك .. نحييها ابﮕلبنا واحنا اللي تعنّينه=هالليله يوالينا وجْهك سطَع بدره=والأُمّه مبتشره اتقدّم إلِكْ أرواح=ياضنوة الزّهره او تتمنّى تحييلك=هالحفله بالحضره واحنا الورَق صرنا=وانته الصرت شَجْره قدّمنا .. يالوالي مُهجْنا وابدمنا .. نكتبْ سِرْ نهجنا وارسمنا أمانينا=هالليله يوالينا انته الرضا وبسمك=يهنى الذي ايخدمك واليمشي بدروبك=باﭼر يصف يمّك واحنا ابعهد حبك=نتبع نهج حكمك كل الدّما ترخص=يمْ ﮔطره من دمك نفديلك .. هالمهجه هديّه وانجيلك .. بالفرحه سويه بالشيعه تسمّينه=هالليله يوالينا اكْتاب العتب فِلّه=تلﮕى الأسى اتجلّى والشُوفتك ﭼم دُوب=هالمدمع انهلّه او كلْمن نِوى ايزورك=نﮕصدله وانﮕلّه من عِدنا خذْ مرسال=لرض الشّرف وصْله نتمنى .. نُوصل يم ضريحك=واهتفنا .. مهجتنا نبيحك بالشّده تنجّينه=هالليله يوالينا يا زاير الحضره=نادينا بالحسره لَنْ معتني او راكب=طيّارة السّفره خذْ تذكرةْ ﮔلبي=ودِّيها بالعبره الﮕبْر الرضا واﮔلّه=طَال المُحب صبره نتأمّل .. لو عدنا تذاكر نتخيّل .. للحضره نسافر واحنا اللي تمنّينه=هالليله يوالينا