يا ثار الله .. وحامي الملة هالحب كله يصيح حسين حبك سر بين ضلوعي=وعدوانك بيه متحيرين حبك ثوب الهيبة ولايك=واتفاخر بيه عالباقين يا صوت الروح الي=بروحي يهتف بين التكوين يا حب بدمعات المرضع=جف يلولي باسم حسين بهمس يناغي .. ويفزع طاغي ويناشد هالثورة منين .. هالحب كله يصيح حسين .. نحسب دربك خطوة بخطوة=كل خطوة تسولف احساس خطوة بحسرة خطوة بلهفة=خطوة بعز ورفعة راس تارة لخطوة بدم نرسمها=تحسدنا على الموت الناس والي يموت يسلم حبه=ونوافي الكطع الانفاس يغمض عينه .. كل سنينه يلمها بدمعة على الخدين .. هالحب كله يصيح حسين .. يا ثار الله حبك يكبر=وبلبيك يعلي الصوت صرخة وتعلى ليوم=المحشر بيها تحدينا الطاغوت ما نتخاذل ما نتنازل=صرخة لحد لوح التابوت نعيش بخدمة هاي الراية=نتوشح بيها من نموت هاي العبرة .. لآخر كطرة بعد الموت وبالتلقين .. هالحب كله يصيح حسين .. مرت بينا ايام بحبك=عن كبرك تمنعنا عداك والدنيا بغيرك مو دنيا=وما موجودين بلياك ومن يصير الموت بخطوة=ننسى الموت وما ننساك واليوصلك شم ترابك=واليوكع فاز بملقاك يفتح صدره .. ويضحك نحره آخر جلمة على الشفتين .. هالحب كله يصيح حسين .. يا ثورة المابعدك ثورة=يالمكتوب بدم ونحور من نجري الدمعة على مصابك=نحس فوك الخد يجري النور يا نعمة ونزلها الباري=يا بيرغ عزنا المنشور يا مو بس عاشور نذكرك=ليش انت يلمك عاشور بيك كبرنا .. بحبك صرنا بكل العالم معروفين .. هالحب كله يصيح حسين .. سجلنا بدربك مشايه=نسجب دمعة ويه اليبجون خدام نظل تحت الراية=كلما رفت عاليمشون من توكف تحسب زوارك=بلكي تعدنا من اليوفون عشاق حسين شما غابوا=بدربك حتماً يتلاكون ويه المشايه .. ونفس الغايه وبنفس الحب متمسكين .. هالحب كله يصيح حسين ..