ليله و الگمر نورك يغالي=للعالم ظِهر بين الليالي الك فرحانه الگلوب .. يبو فاضل يمهيوب .. يبو فاضل يمهيوب .. عالامل غمّضت عيني=او شفت باحلام الهدايه چنّي من باب المدينه=أدخل الروض الولاية او شاهدت نهر ايتماوج=بالفضل والجود مايه وانعكست ابماي النهر .. صورتك يا هاشم گمر .. وانبهر دلاّلي انبهر=يمن للمعبود آيه آية ظهرت ببرج المعالي=ورايه رفّت باسمك تلالي وسط هالرايه مكتوب .. يبو فاضل يمهيوب .. يبو فاضل يمهيوب .. راية العزّ والمعالي=رفّت ابأرض المدينه او نوّخ ابدارك دليلي=او شفت يا حامي الضعينه حسن الحسين العقيله=زينب او حيدر ولينه حيدر يرحّب بالجمع .. واخوانك التعلگ شمع .. او زينب تصد ليك ابدمع=او دمعة الافراح زينه بالعزّ والهنه يا رفعة الراس=أيّام المُنه باسمك يعبّاس يضنوة داحي البوب .. يبو فاضل يمهيوب .. يبو فاضل يمهيوب .. يبن داحي البوب يومك=طفح بالعزّ والمباهج او لو ردت تعداد فضلك=واجمع وأحسب الناتج يا نتيجة اتحصل وانته=من علي ماخذ مناهج او حيدرعلي من يوصله .. باب العلم خير المله .. وانته يبن عقد الوله=أصبحت باب الحوائج او مصدر الوفه و النخوه والجود=بحر المعرفه و الهمّه والزود الك هالفضل منسوب .. يبو فاضل يمهيوب .. يبو فاضل يمهيوب .. سيّدي باب الحوائج=والمكارم والمروّه باسمك اختصّت يهيبه=يا عطر روض النبوّه او سجّلت بالطف ملاحم=تزهر ابعالم النخوه لحسين ابن المصطفه .. قدّمت چفّين الوفه .. او عن باصره او عن معرفه=جسّدت معنه الاُخوّه يا راعي الشيم موقفك مشهود=بچفوف الكرم وفّيت العهود يمن للشدّه مندوب .. يبو فاضل يمهيوب .. يبو فاضل يمهيوب .. للشدد مندوب شخصك=وانته يا قمر العشيره تعلم الدنيه مواقف=وابمواقفها الخطيره انفتحت اعيون الضلاله=ورادت اتحرف المسيره او من شفت هالدين ابخطر .. ضحّيت بعيون النظر .. وابتضحياتك يا گمر=انفتحت اعيون البصيره لجل المصطفه خضت المنايه=او نورك ماطفه ابدرب الهدايه يمشعل هاي الدروب .. يبو فاضل يمهيوب .. يبو فاضل يمهيوب .. مشعل ادروب الهدايه=او مفخرة حامي الحميّه او سلوة احسين او عضيده=او شمعة افراح الزچيّه هذا عبّاس النعيش=ابفرحته هاي المسيّه يحلاله عبّاس الفرح .. گلب الموالين انشرح .. والمرقده الناظر شبح=واتّجه للغاضريّه يا هيبة مضر نبغه البشاره=يمته يا گمر نحضه ابزياره عليك اگلوبنه اتلوب .. يبو فاضل يمهيوب .. يبو فاضل يمهيوب ..