يا نَارُ كُوني .. بَرْدَاً وَسَلاما وَلْتَرحمِينَا .. وَارْحمِيْ اليَتَامى آهٍ عَليْنَا .. ذُلاًّ خُزِينا يا نَارُ كُوني .. بَرْدَاً وَسَلاما مثل ﮔوم النبي ابْراهيم=إجتنا اليوم اعادينا بعد ما ذَبّحوا يا حيف=زلمنا وكلّ اهالينا إجتنا ابكلْ جَسَاره اتريد=تشبْ نار الحقد بينه وخيمنا ابلا وليْ صَارتْ=نناشد منهو ينجينه تَاهَتْ نسَاءٌ .. في حَرْقِ الخِيامِ والأهْلُ صَرْعى .. في حِجْرِ الحِمَامِ حزْناً بكَيْنا .. ذُلاًّ خُزِينا يا نَارُ كُوني .. بَرْدَاً وَسَلاما نجى ابراهيم من ﮔومه=وسِلَمْ بامْر الله بارينا وابَد ما مسّته النّيرانْ،=وَلا حرﮔتْ صواوينه لَﭽنْ إحْنا ابخيمنا اشْصارْ=ابفعلْ اشْرار اعادينا وسف حرﮔوها وتشتّتْ=شملْنا وغاروا اعلينه والنّارُ تلْهَبْ .. مِنْ فعْلِ الأعَاديْ وقَد فَرَرْنا .. منْ وادٍ لِوادِ مُشَتتّينا .. ذُلاًّ خُزِينا يا نَارُ كُوني .. بَرْدَاً وَسَلاما على التلّ اوﮔفِتْ أصْرخ=واناشِد وين ابوالأكبر أَنَا زينبْ يخويه اشْلُون=تعُوفْ العيله تتحيّر تروحَنْ وينْ ما تدريْ=فزعْ وامصَاول العسكر ومثلْ هاجر صرتْ=اسعيْ أدوّر عنّك وأعثر غَارتْ علينا .. أشْرَارُ العِبادِ والأهْلُ تَاهتْ .. في تلْكَ البوادي نَادتْ حُسيْنَا .. ذُلاًّ خُزِينا يا نَارُ كُوني .. بَرْدَاً وَسَلاما رحتْ للشّاطيْ محتاره=أدوّر عنْ ﮔمر هاشم ﮔلت بلﭽنْ اشُوفه السّاع=يصد ليْ امعافه وسَالم ﮔصَد للشّاطيْ متعنّي=وتصَدّاله العدُو الغاشم مثل هاجر يريد الماي=لطفاله وطلَع عازم ما بَيْن سَعْيٍ .. في أرضِ الطّفوف جَارُوا عليْهِ .. في قَطْعِ الكفوف حَزُّوا الوتينا .. ذُلاًّ خُزِينا يا نَارُ كُوني .. بَرْدَاً وَسَلاما لﮕتْ هاجر لابنها المايْ=بامْر الله وروى اسماعيل لﭽنْ احنا ابذبح عبّاس=لفتنا ابكل كتر هالخيل عَوَضْ ما نتروي بالماي=روينه امْن الحزن والويل واشَد واعظم مصايبنا=وكتْ ما جَانه هذا الليل جَاءتْ إليْنا .. أشْبَاهُ الرّجالِ والقلْبُ ينعى .. مَا أقْسَى اللّيالي لا تحتوينا .. ذُلاًّ خُزِينا يا نَارُ كُوني .. بَرْدَاً وَسَلاما مثل ما أنقذ الباري=خليله وما حرﮒ جسمه رفع ربنا عن اسماعيل=ذبحته وما نزف دمه وكتب عالعتره بارْض=الطف قتلْ واتجابه الطّغمه ولجِلْ دين النبي الهادي=انذبح ياوسفه بُواليمّه شَاءَ الإلهُ .. منْ قَتْلِ الحُسيْنِ لا يبْقَ جَوْرٌ .. في مَدَى السّنينِ وصَانَ دِينا .. ذُلاًّ خُزِينا يا نَارُ كُوني .. بَرْدَاً وَسَلاما