عــــدد الأبـيـات
23
عدد المشاهدات
2299
تاريخ الإضافة
06/09/2010
وقـــت الإضــافــة
8:30 مساءً
(1423 ه) هيثم سعود الكربلائي
اخـذ گلـبي ويـاك طـب بـي للحرب وچالـدرع خـلي الگلـب فوگ الگلب
اطـعن اضـرب يبني واوجع بالضرب وبــرگاب اعــداك حِـدّ الـسيف حِـدّ
حِــدّه بـيـها وحــزّ رؤوس الـظـالمه وخـلـي سـيفك يـحصد ابـلا مـرحمه
ذولــه زمــرة اصــل مـحنة فـاطمه عِــدّ مـصـايبها بـعـدد هـالروس عِـد
عِـدّ يـجاسم واحـصد بـروس الجمع وكـل خصم راسه العفن من ينگطع
كـبّـر وصـيـح اءنـجـبر كـسر الـضلع لــو بـعـد يــا فـاطـمه أَطـرح وأَمـد
يـبـني جـنـدلها الـعِـده ولا تـسـتكين اضــرب اطـعن عـاليسار وعـاليمين
لـلـجنين اشـلـون سگّطـوه لـلجنين اشسوّه محسن واصبحتله الگوم نِد
تـنـجـرح عـــوف الـجـرح لـتـضمّده انـسـه جـرحـك وانـته مـابين الـعده
اذكـــر الـغـدرتـه الگوم ابـمـسجده جــدّك الـكـرّار يـبـني شـلـون جِــدّ
جـــدّك الـكـرّار اءذكــره الـمـرتضه الـمارضه بـغير الله حـاكم مـا رضه
او رفض كل اهل الدعاوي المغرضه وصــارت الاشـرار كـلها اعـليه ضِـدّ
شـد يجاسم عالحرب عوف العرس لا تـخلّي الـظالم ايـشوف الـشمس
والـدك مـن گبـره يـهمسلك هـمس سِــدّ يـجـاسم خِـلّة الـمسموم سِـدّ
يـبـني مــن گبــره يـنـاديك الـحسن هــذا يـومـك وانـتـه بـيديك الـرسن
اسـلب ارواح الـعده احرمها الوسن او صـد عـليّه لـو لـفاك الاجـل صِـد
صــد عـلـيه لــو گرب لـيـك الاجــل يـبـنـي واتـعـنّـاك لـلـحـومه بـعـجل
وارد اگلّـــه الـخـالـقي عـــزّ وجــل‌ّ زِد عــلـيّـه بـالـصـبـر يـــا ربـــي زد
يـبـني واگعــد يـمّك بگلـبي الـجريح والـطم اعله الراس ودموعي تصيح
گلـبي طـايح هـذا لـو جسمك طريح شـدّ يـخيط الـدمع جرح اوليدي شِدّ
يــا جــرح دمـعي الـيطيبه يـا جـرح چنـت اظـن مـجروح يـبني ومنطرح
مـــا دريــت بـيـوم عـرسـك تـنـذبح رد عــلـيّـه رويــحـتـي يـولـيـدي رِد