طِـلّـسـم يـحـسـين حُـبّـك طِـلّـسم         فــدوه أنـه يـحسين اروح الـهالاسم
طِـلّـسم حـبّك سَـحر اهـل الـعشگ         او خلّت اسراره الگلب باسمك يدگ
الـروح شـمعه ومـن تذكرك تحترگ         تـحـتـرگ مـشـغوفه بـيـك وتـبـتسم
تـبـتسم روحـي وعـليك اذرف دمـع         وتـاخذه الـغيره الگلـب مـن يستمع
ايــريــد يـتـعـنّـاك ويـــردّه الـضـلـع         ويـرجـع الـصـدري لچنّــه مـنـجسم
يـنـجسم گلـبـي عـلـيك ومــا يـهـيد         يــون والـونّات تـسري اويـه الـوريد
وأحـس كـل ونّـه الـتمر مـاتم جديد         يـنـعقد كـل سـاعه بـاركان الـجسم
يــا سـحـر هــذا الـيـخلّي هـالگلوب         مــن يـمـر ذكــرك يـبواليمّه تـذوب
الـروح ليش اعليك كل ساعه تلوب         هـذا سـرّ ربـاني وأحـسملك حـسم
وسـرّ خـلودك مثل سرّ حبك عجيب         مـا شفت كل عمري مثله يا سليب
يــا غـريـب الـصار مـثلك يـا غـريب         اءلــه بـكـل دلاّل يـالـضامي رســم
يــا غـريـب الگلــب مـثـلك جـسّمه         ويــا جـريـح وجـرحـه شـفه بـاسمه
ويـا شـهيد وگبـره مو بارض ابسمه         وأنـعـكاس الگبــر بـالطف مـرتسم
گبــرك امـتـدّت جـذوره بـالطفوف         لاچن اطباِق السمه الگبرك سقوف
وأحـنـه والامـلاك عـالمرقد نـطوف         قِـسم تـبجي اعليك وأتواسي قِسم