الموشح بالمدمع ناديتك=و مذبوح تلﮕيتك واراك البين .. يالمحسن وين .. نام و ﮔللبي يمسح دمك نام بروحي=خل جروحي سهرانه تخلي يالماشافتك عيون امك و أمك توعد=يوم التبعد وحدك مَتخلي رحت و طيفك وياي .. و السﮕطك من حشاي .. ما شالك من عيناي .. نام و عيني تغمض عينك مهدك ضلعي=و أرضك دمعي سيال يروي و ايديني تلاطف إيدينك و الﮕللب يحن=آه يالمحسن خذ نبضي يداوي يَبني شصابك مَتنام .. شِلي تحس من آلام .. منهو الجَرَح الأحلام .. من ألم جمالك=يجعلني بدالك آذاك الباب .. رد ليه جواب .. بالمدمع ناديتك=و مذبوح تلﮕيتك واراك البين .. يالمحسن وين .. روحك بحاشي تكلمني و افهم روحك=ﮒبلل جروحك و أدري الي بﮕللبك تسأل عن روح اليتمني يَبني و خوفك=إن يعوفك و مَيعيش بﮕربك بعدك ما شفت سنين .. و انته دموعك بالعين .. تسأل عن جدك وين .. يالمحسن زيدت أوجاعي أسمع صوتك=رايد موتك مودع هالدنيا بوداعك خرت أضلاعي يَمذوبني=حالك يَبني رايح لا جيه هذي الموتك أسرار .. من شوﮔك للمختار .. ماعشت بهاي الدار .. سلم لي على جدك=ﮔِله وداعي بعدك لا ضلت روح .. و البين يلوح .. بالمدمع ناديتك=و مذبوح تلﮕيتك واراك البين .. يالمحسن وين .. تمنيت ألﮕاك بأيامي و أشهد عمرك=و أنظر زغرك من ﮔللبي تمنيت لكن ما شفتك جدامي و شفت دمومك=تسبﮓ يومك تِجري بوسط البين حرموني اللحظة وياك .. و ما ﭼِنت أحسب فرﮔاك .. يالمحسن وين أنساك .. ﭼنت انتظرك رابع شمعة يتلﮕونك=و يشوفونك زينب و الحسنين بس ما ردت تشوف البضعة و حين العَصرة=عِفت الزهرا و تعجلت البين ياليت الي تولوك .. و بحالك ما خلوك .. ﮔِتلوني و لا ﮔِتلوك .. ذِبحوني بصوابك=ذَبوني بأعتابك ما مال الكون .. بالفجعة شلون .. بالمدمع ناديتك=و مذبوح تلﮕيتك واراك البين .. يالمحسن وين ..