من وصل جواد حسين=خالي يسحب عنانه
فرت للفضا عياله=و ضجت بالبﭽى اطفاله
و زينب وﮔفت حذاله=تﮕله يا جواد حسين
.. وين انصرع ملفانا
طلعت تسحب الأذيال=و ايديها على الهامة
تحوم و ﮔاصده الحومة=و ظلت خارج خيامه
وراها مهجة الزهراء=اطلعت تتصارخ أيتامه
تﮕل للمهر دليني=لخويه حسين وديني
أنشدنه مخليني=ذمة من و هاي الخيل
.. زحفت صوب صيوانه
صاحت يا رسول الله=عزيزك بالثرى معفر
يَجدي وزعوا جسمه=و بناتك بين هالعسكر
و طبت حومة الميدان=بين الجثث تتعفر
و شافته على الغبرة=يحز ابن الخنى نحره
و دايس بالنعل صدره=صاحت يا رجس فعلك
.. يهز العرش و أركانه
عــــدد الأبـيـات
13
عدد المشاهدات
5083
تاريخ الإضافة
28/08/2010
وقـــت الإضــافــة
5:30 صباحاً