هـاليلة الـمجد بـاسم الحسن دار         سـطع نـوره وزهت وتلالت الدار
الـمـلايك نـثـرت الـياقوت والـدّر         تــبــارك لـلـنـبي خــيـر الـبـريـة

الـحسن سـبط النبي للناس قبله         الـكرم مـا يـنوصف عـكبه وقـبله
أنــه بـروح الـخيال اهـديت قـبله         تـبـوس اتــراب اجـدامـه الـزجيه

مـا غـير الـحسن شـوﮜي رسـاله         إمــام الـديـن واعـلـوم الـرساله
رسـاله مـن الﮕلب ابعث رساله         اهـنـي الـمـرتضى بـهاي الـمسيه

وحﮛ كـلمن ﮜصد للبيت والطاف         ﮜلـبي بالحسن حامل غدا الطاف
رحت صوب النجف بروح والطف         ابــارك لـلـوصي وحـسـين اخـيه

يـــا اول نــجـم بـالـكون وضّــاح         وبـفـضله الـنبي الـمبعوث وضـح
الـك نـور الـقدس مـولاي وضـاح         بـوجـهك يـالحسن مـشهود ضـيه

يـمن عـودك كـسر للعزه واللات         آنــه مــن الـزغـر مـولاي وآلـيت
لـيـالي الـنـوح والـدمـعات ولــت         بـلـيـلة مــولـدك يــبـن الــزﭼيـه

عـلﮕنـه اشـمـوع مـيلادك بـدينه         يـبـن طــه الـنبي الـمهيوب ديـنه
بـديـنـه انــعـدد افـضـالـك بـديـنه         لﭼن تــاه احـسابنه يـبن الـزﭼيه