شعراء أهل البيت عليهم السلام - عگبك يراعي الغيره

عــــدد الأبـيـات
19
عدد المشاهدات
1969
نــوع القصيدة
عامية
مــشــــاركـــة مـــن
تاريخ الإضافة
24/05/2010
وقـــت الإضــافــة
1:18 صباحاً

بين الهضم والحيره=من ديّره امشي لديره عگبك يراعي الغيره عگبك يراعي المرجله والنوماس=امشي غريبه عالهزل بين الناس يوم التطيح عالترب مدمي الراس=باب النوايب ينفتح يا عباس وانه العقيله مخدره تدريني عگبك يخويه هالعده توليني واخيامك يحركوهه=واطفالك ايروعوهه عگبك يراعي الغيره بيدك امانه اتسلمت يا چيدوم=من عودك الوالي الصميده المعصوم يا با الفضل وانته العهد بي ملزوم=تحميني من غدر الزمان المشؤوم حمّاي خدري يا ضمد الآمي بعيني العمه ولا شوف راسك دامي ريتك تضل ويانه=بعدك يطيح لوّانه عگبك يراعي الغيره هاي النوايب گلبي بيها اليدري=عباس يا راعي الشيم يا ذخري يم النهر باچر يكافل خدري=تتهدم اجبال الصبر من صبري لمن اشوفك نايم عالحومه وفوگ الترب جسمك تسيل ادمومه هالنومه خويه الوالي=منهه انمرد دلالي عگبك يراعي الغيره من يا سهم يبره الگلب خويه منين=وانه وحياتي موضوع اسهام البين هاليوم يطفيلي القدر بيك العين=ويگطع امل عمري بگطع هالچفين يالعنة الله عالذي يگطعّها وامي الزچيه فاطمه يلوعها عني تروح وتبعد=يا خويه المن اگصد عگبك يراعي الغيره باچر يبن عقد الوله هالاشرار=تهجم علينه وتحرگ اثيابي النار بين الحرم يا خويه واطفال ازغار=اجمعهه لو اگصد الك گلبي احتار هذا اليصير وينشده مني الراي يوم التروح وتبتعد يا رجواي وابن امي باچر ظهره=يا خويه انظر كسره عگبك يراعي الغيره انه ادري روحك هالحچي يدميها=لاچن اخت وتحشم بواليها يا صورة حسين وحسن ماضيها=يا روح ابونه وبيك اشعر بيها روحي بحنانك تشعر بهالاحساس يا شبل من حيدر علي يا عباس باچر يكافل خدري=مطفيه شمعة عمري عگبك يراعي الغيره
Testing