قسم القصيدة هاني الجمري,
عنوان القصيدة ام البنين في دار الحسين.. گالت ام عباس والدمعة جرية
بعدما فُتحَ الباب دخلت ام البنين على زينب في بيت الحسين... صارت ام البنين بين النساء والثاكلات ماتدري اي واحدة منهن زينب، نسوان بني هاشم متغيرين الملامح بعد مسيرة السبايا... ام البنين اگول: وين زينب...
گالت ام عباس والدمعه جريه
منهي زينب بينكم يااهل العزيه
سومَرَت لوجوه متغيره عليه
چنَّه غيركم طريگ البيد لگفر
جاوبتها وأشرت ليها تعالي
أني زينب من بعد ديك الغوالي
المصايب لعبت ابعزي ودلالي
والدهر بعد اخوتي الطيبين أكشر
ضجت النسوان من سمعت حچيها
وگامت ام الاربعه تخفف عليها
وسكتت وضمتها بس تسمع بچيها
والثگيل اونينها للصخر فسّر
گالت ام لعزاز يابت الزچية
سولفيلي اشصار بارض الغاضرية
هم صحيح حسين ضل جثه رميه
ليش ماشالوه عاري بوسطة البر
ردت الحوره نعم بعيوني شفته
طوله متوذر وذر موبيدي عفته
حسين ماينشال لو ينشال شلته
وزعته الاعوجية وجسمه طشر
گالت ام لعزاز والمدمع اتحدره
من گبل ماحزو العطشان نحره
ليش مارووه من لفرات گطره
معفر بوگت الظهيره بشدة الحر
هاني الجمري
جميع الحقوق محفوظة لموقع شعراء أهل البيت عليهم السلام www.Shoaraa.com