قسم القصيدة ثامر جمعة المالكي,
عنوان القصيدة قصيدة الزيارة
1. إجيتك .. واعتذر مولاي عالجيهلأن ابلا زحف جابني رجليه
2. ولازم كلي اخلص الك يامولايما أقبل فقط تخلصلك النيه
3. واريدن من أزورك كون أحسن بيكيلي ابكل زمان انت التحس بيه
4. وما اريد امن ازورك اطلب آنه إمرادولا اريد الزيارة الحاجه معنيه
5. اريدن من اكظ شباجك اشعر بيهويستأذن شعوري ويهبط اعليه
6. واكتبلك قصيدة امطرزة ابدمعاتلكن كلهه شوكَ ومو رثائيه
7. واريد العجز يلطم عالصدر مولايواريد الصدر ينعه ابحزن ابوذيه
8. وارسم بيهه طف وكربله وفرسانواطفال..وحريم ابحاجة اميه
9. وارسملك نهر ظل خالد الهاليومبس ينزف خجل من يمر طاريه
10. وارسملك خيام .. اتقاتلت بالنارولهسه النارظلت ماهي مطفيه
11. وارسم كلشي ارسم بالشعر مولايبس ما اكَدر ارسم طفله مسبيه
12. ويا خذني الحزن وايسيطر اعليهواعرجلك وارد ابلحظه روحيه
13. ويجَّرد خيالي ويصفه بس إحساسواحس ابصوت يهمس كله حنيه
14. إقرأ.. هالقصيدة ابحضرة الزهراءواحس امن السمه انفتحتلي جوريه
15. وبديت اقره القصيدة ابروضتك مولايوبس دموع عيني الصفكَن ليه
16. واخيراً من طلعت امن الشعر يحسينردت اقفل الباب ورجفت ايديه
17. وتخيلت الضلع .. والدفعه والبسماروما سديته خاطر تبقى هالجيه
جميع الحقوق محفوظة لموقع شعراء أهل البيت عليهم السلام www.Shoaraa.com