قسم القصيدة هاني الجمري,
عنوان القصيدة وفاة القاسم ابن الامام الكاظم ع
قصيدة وفاة ومصيبة القاسم ابن الامام الكاظم عليهم السلام:

من بعد توديع جده ابتدت توها غربته
شال من ارض المدينة تارك اهله وخلته

ماخد براي الاخو المعصوم طايع للرضا
قال يالقاسم بني العباس لينا امعرِّضه
اِبعد عيون الرشيد وسلطته وحكم القضا
واسمك اتخبيه مطلوب العساكر عرفته

سدر بخفيه غريب امحادد ادروب السفر
يكسر الخاطر شريد ودايم يحس بخطر
آه يولاد البتوله امفرهدة بطول الدهر
يتعب ويرتاح وحده اشلون حالة وحدته

أَدرك ضفاف الفرات وكلبه ذوّبه العطش
مثل جده حسين ظامي ويابس إلسانه انكمش
لن سمع داك القسم وتعجب وباله اندهش
چنها بانت له علامات الوصل بمسيرته

وحط رحاله بأربعة لسنين وما حد يعرفه
ابن موسى الكاظم ابن الصادق ابن المصطفى
ومن كثر ما فاگد اهله وشوگه واري ماطفى
من يسئلونه على اسمه عيونه هلَّت عبرته

التعريجة:
ليش اولاد البتوله بكل مكان مفرهده
واحد بسم المنيه وواحد بسيف الردى
مثل ابو السجاد نحره گطعته اسيوف العده
والخيول الاعوجيه بالحوافر رضته

هاني الجمري
جميع الحقوق محفوظة لموقع شعراء أهل البيت عليهم السلام www.Shoaraa.com