قسم القصيدة رضا عبدالعزيز البحراني,
عنوان القصيدة أهتف ابگلبي و لِساني
1. أهتف ابگلبي و لِساني مهدي يمهدي
2. اشگد بعد أصبر و اتاني مهدي يمهدي
* * *
3. بالگلب ساكن يغايب ياشمِس عُمري
4. يمته اشوفن ضَيْ شُعاعك ثاقِب و يسري
5. ابصبُر أيّوب انتظرتك وانگضى صبري
6. اشكثر باقيله غيابك حيف ما أدري
7. حلمي إنته و مالي ثاني مهدي يمهدي
8. اشگد بعد أصبر و اتاني مهدي يمهدي
* * *
9. أدري بالعذّال تجرح و الجرِح قاسي
10. خليلوموني ابغرامك يا أعز ناسي
11. ما أغيِّر بيك نهجي ثابت و راسي
12. و كل حچي ايمِس اعتقادي ما يجي ابراسي
13. عاقد اعليك الأماني مهدي يمهدي
14. اشگد بعد أصبر و اتاني مهدي يمهدي
* * *
15. بيك كل تشكيك باطل والذي ايشكِّك
16. خاسِر ابدِنيِتَه ودينه وعقله مايدرِك
17. و الذي ابذهنه و صوابه عارف اشيسلك
18. بيك يالحُجّه اعتقاده يبگه متمسِّك
19. الجيْتَك ايعِدّ الثواني مهدي يمهدي
20. اشگد بعد أصبر و اتاني مهدي يمهدي
* * *
21. اشكثر نهتف يمته تظهَر قول يتكرّر
22. و احنه خاف العيب بينه إلنه ما تظهر
23. احچايه منها البعض يزعل و آنه اتعذّر
24. شيعتك يالمهدي صارت همها المناحَر
25. و كل طرَف يندِبَك آني مهدي يمهدي
26. اشگد بعد أصبر و اتاني مهدي يمهدي
* * *
27. رايتك تجمع شملنه راية الوحده
28. ترتجي الطلعه البهيّه و سيفك اتجرْدَه
29. ابمولدك هاليله فُرصه أرزِم العُدّه
30. هالعمُر منذور لجلك دربك ايمَهْدَه
31. النُصرتك گلبي خذاني مهدي يمهدي
32. اشگد بعد أصبر و اتاني مهدي يمهدي
* * *
33. ابغيبتك روحي سقيمه إنته تشفيها
34. ابفرگتك يدِّي جرحها و اشيِداويها
35. ابغيرك اﻷرواح تِعتّل يالتصحّيها
36. تحيَه هالدنيه من تسمع ظهَر مهديها
37. يالذي صوتك حِياني مهدي يمهدي
38. اشگد بعد أصبر و اتاني مهدي يمهدي
* * *
رضا عزيز البحراني
جميع الحقوق محفوظة لموقع شعراء أهل البيت عليهم السلام www.Shoaraa.com