قسم القصيدة هاني الجمري,
عنوان القصيدة ساعة بس ووصل لگبرة
زينب سلام الله عليها يوم الاربعين قبل وصولها إلى قبر اخيها الحسين عليه السلام كأني بها تقول لأخيها وللحادي:
ساعة بس ووصل لگبره
ويعثر السان العتابه
اشلون اسولف عن سفرنا
والسكن وسطة خرابه
اشلون يعرف آنه زينب
والعمر ودّع شبابه
اشلون تلزم روحي جسمي
لحظة اتوجّس اترابه
اشلون احاچيه او أگلّه
خويه ياحلو المهابه
لو علي السجاد راسك
للنحر بيدينه جابه
اشلون اشوف بعين عبره
والگبر مفتوح بابه
كأني بها تقول للحادي:
حادي لوتختصر دربك
عجل اعلا حسين يابه
والله خل اضلالييحدي
محترگ يلحگ سرابه
وما اظن يجهل مكانه
والضلال ايدل جنابه
الحادي يقول:
زينب اقسم لچ تصبري
بالأخو حسين ومصابه
لو بچيتي النوگ تبچي
وتوگف اتهل الصبابه
تنشدين اسرعها تمشي
وحالچ الأخر مشينه
والله لا تبچين كافي
لايگوم احسين ايجينه
أعذرچ بت الررسالة
وادري عن گلبچ حنينه
جميع الحقوق محفوظة لموقع شعراء أهل البيت عليهم السلام www.Shoaraa.com