يا جسَّام يبني الغالي= يبني الغالي يا جسَّام يجاسم يا ربيع اسنيني و ايَّامي= ما أگدر أشوفك دامي جدَّامي يغالي ابفگدك اتهيِّجلي آلامي= تِروح و ترتحل ويَّاك آمالي يرايح لا تخلِّيني أون و انحَب= اشبعد من فرگِتَك يا ضنوتي أصعَب گبلك موتي يا ريته إلي گرَّب= ولاجسمك أشوفه اعلى الثره اگبالي يشمعة بيتي يا عيني و شمِس دنياي= أشوفك عالحرب ناوي وعزَمت الراي و تخلِّيني أگاسي لوعتي و بلواي= عگب عيناك منهو اليرأَف ابحالي كل أم التربّي اتريد سَلواها= يباريها ابكبُرها و هوَّه يرعاها يسر خاطرها و ايگر إلها عيناها= و آنه اولا إبن حاضرلي بآجالي الحسن خبَّرني گال ابنچ تفگدينه= وانتي اعلى الحرب بيدچ تزفِّينه يذبحونه و خضيب الدّم تِشوفينه= بعَد يا دنيه بعدك راح تهنالي أمُر حتمي و علينه يوْلِدي اتقرَّر= لزوم اتروح تفدي و ترْخص المنحَر و آنه احمل مصابي و لازم اتصبَّر= تروح انته و بس النوح يحلالي