شعراء أهل البيت عليهم السلام - مدارس آيات

عــــدد الأبـيـات
38
عدد المشاهدات
1927
نــوع القصيدة
عامية
مــشــــاركـــة مـــن
تاريخ الإضافة
16/03/2010
وقـــت الإضــافــة
1:54 مساءً

بَﭽَّايَه بِالْعَبْرَات=عيني وأجر ونات ديارك خلت بعدك بﮕت=بالوَنَّه والآهاتْ مِثل دُعبل وﮔفت انحب=على الدار واهل مَدمَعْ دار اهل المجد والشان=ظلت موحشه وبلقعْ وهي لْﭽانت زهيه تنور=ببدور العُلا الطُلَّعْ هاي ارض المدينه تنوح=لفﮕدك يالرضا وإسْمَعْ صوت النحيب اْعْليْكْ=ودار العُلا تِبْﭽيْكْ ضاع الوَصِل ومدمع يِهِل=بالوَنَّه والحَسراتْ إجيت ابﭽي عله رسم الدار=وحﮕها العين تبﭽيها مَنْزِل للوحي موحِش=من فﮕدت غواليها دارك يالرضا بطيبه=تجِيم النايحه بيها مِنى والخيف والتعريف=تِون وإسْمَع بُواﭼيها بدمعي سألت الدار=عن خيرة الأخيار ﮔالت طِلَع وظني انﮕطَع=وفﮕده ترك لوعات آنا ودُعْبُل بهالحال=يَبِن موسى إلك نِنْعَه ومن نبﭽي وننوح اْعْلِيْكْ=نواسي الثاكله البضعه غريب إنته وتعوف اوطان=وتِضِيْﮓْ ابْهَمَّك الوَسعَه ﮔوه من الوَطن طَلْعوكْ=بصَبرَك للأجل تِسعى بﮕلبي المصيبه تدوس=ولَحْدَك تضُمَّه طوسْ ومْن الغدر يخلَص عُمُر=مِنك يبو الطيبات يِلِح وسط الﮕلب جرحك=يامن صوبوا ﮔلبه جاسي يالرضا هَمَّك=وتحمل لوعة الغُربَه من هضم الرشيد اتشوف=ﭼم نكبه بأثر نكبه صوّب والدك بالسم=بدار الغربه امْصَوْبَه ولما إجا المأمون=واصَل غدر هارون حالك صعب وسط الغُرب=تتواصل النكبات يلماساومت ظالم=والحيله طَبع خُصمَّك والمأمون ظَنَّه ﭼان=بْولاية عَهْدَه ايْحُكمك وبْظَلْمَة ليالي الضيم=يزهي بْعِصْمِتَك نجمك والمأمون جوره زاد=وبتالي الأمُر سَمَّك بدار الغرب مهضوم=ورحت بغدر مسموم عمرك ﮔضى وضج الفضا=وتعالت الصيحات نار السم سرى بﭽبدك=وشْيِطْفِي لِهيب النار وحدك ماتلاﮔي معين=مسموم وغريب الدار مو بس طيبه تبﭽي عليك=كل الكون ياهل اعبار صابوا بيك ﮔلب الدين=ويبﭽي جدك المختار ياثامن الأكرام=شلون بغرب تنضام ولبن الحسن نشكي المحن=من يطلب الثارات
Testing