شعراء أهل البيت عليهم السلام - شمس المجد – لأمير النحل

عــــدد الأبـيـات
32
عدد المشاهدات
1867
نــوع القصيدة
عامية
مــشــــاركـــة مـــن
تاريخ الإضافة
16/03/2010
وقـــت الإضــافــة
12:38 مساءً

ينهار الكرامه لماطفت شمسه=ويايوم التواصل باﭼر وأمسه يامصباح فلَّش مشتهات الليل=وياﮔمره تخاوي الليل بالونسه ياسﭽه ويرافﮕها قطار الشوﮒ=وﭼلماته بمحطات العمر خرسه يالْمبحر وسط شرياني غاض الموج=ولْملﮕاك حنَّت شفة المرسه ياخَيَّال يطرد والصحاري ﮔلوب=حبه صال بينه والعشﮓ فرسه ياكرار حاير بيك حتى الشوﮒ=وﮔبل الشوﮒ حارت ياعلي الهمسه شيحﭽي اللي سكنت بكل خلايا دماه=وْصَحَن ﮔلبه ابْمﭽيال الهوى اترسه يلطرواك قرآن الله والآيات=يتوجَّب طهارة كل ثغر مسَّه يالإسمك خُلاصة آية التطهير=وشفاف الوجود اللاهفه اتلمسه علي يا آية الله للي تلاها الكون=رتلها الوجود وماخفت حسَّه علي هالليله جيتك والﮕلب عريس=ميلادك عروسه .. وياكُبر عرسه وحْروف الشعر يابالحسن خطار=إسمك ثوب أبيض ﭼانت تلبسه وفِتَحْت إلها مُضيف ابساحة الوجدان=هسَّه انفتحت وماتخلص الهسه وي خصمك إجيت احﭽي واﮔول الحﮓ=طﮓ بطﮓ تظل ﭼلماتي متمرسه كلمن ينكرك يابالحسن معروف=خله يشوف أصله وينظر لرسه ﮔوم لجهلتك وتجاهلت آيات=مسكينه وفقيره وبالحﭽي مفلسه من حَبَّك لبس ثوب الكرامه بيك=ومن نطفتها ﮔوم لنكرتك نجسه بس هذا طبعها الدنيه يابوحسين=دنيَّه ترافﮓ اللي طبعه الخسَّه وحق اللي فرض خمسه يعالي الشان=لولا انته بعد مانعرف الخمسه موإنته اللي رافﮕت الرمح والسيف؟=وﮔلب الدين بس ضلوعك تحرسه موإنته يهارون الوفه لْخاواك=طاها وإجعَلَك يابالحسن نفسه موإنته اللي ثغرك يبسَم وْيَّه السيف؟=ونجمة نوح لوذاك المسا أمسه خيبر من قلعت لبابه ياكرار=ظل الكون يرجف.. خايف اتجسَّه عِشره وياك روحي ياحبيب الروح=وﭼنت اَتلاوه وي ريح الهوه الشرسه متعلم درس حبك من التكوين=وي دمي سره وآنه الحفظ درسه وبﮕلبي زرعتك ياحبيبي زروع=ومنو مقلي إذا إسمك (علي) غرسه لاﭼن ياعلي مو ﭼنه طال الليل ؟=وخُفْتَ انسه الصبح.. خوفي الصبح ينسه عديت السنين وكلها ﭼانت ﮔيض=ولْيالي البُعُد عنَّك تظل نحسه أفرش عيني لدروبك واصيح الغوث=ﮔوم الدنيه ظلت ضدي امعبسه بُعد وضيم وباﮔت مني حتى الشوف=ومِن بِعدَتني عنك شلبﮕه أﮔسه أشهﮓ بسمك ولوما نبض طاريك=ﭼا والله النَفَس أتكفَّل بحبسه نظل عيون تتوﭼه رُمُوش الليل=وتِظل انته النهار الْماطفت شمسه
Testing