شعراء أهل البيت عليهم السلام - نعزي المصطفى - شهادة فاطمة الزهراء ( ع )

عــــدد الأبـيـات
28
عدد المشاهدات
1912
نــوع القصيدة
عامية
مــشــــاركـــة مـــن
تاريخ الإضافة
11/02/2010
وقـــت الإضــافــة
11:32 صباحاً

نعزي المصطفى وحيدر وصيّه = ابشهادة فاطمه الزهره الزچيه مصيبة فاطمه اعظم مصيبه = مظلومه مضت هاي العجيبه ابحزن عاشت عمرهه هالنجيبه =الحزن موال صار الهه وسجيه نعزي المصطفى وحيدر وصيّه = ابشهادة فاطمه الزهره الزچيه الحزن مافارگ الزهره ولا يوم = تشوف المصطفى وميراثه مهضوم نقضوا كل عهوده وخانو الگوم = والكرار گلبه اليوم مالوم يجسر حسرات والونه خفيه = نعزي المصطفى وحيدر وصيّه ابشهادة فاطمه الزهره الزچيه علي الما هزته ذيچ الطلايبْ = اسد مهيوب تشهد له الحرايب وابد مافتت عزمه المصايبْ = لكن من فقد اغلى الحبايبْ ظهره انكسر حمّاي الحميّه = نعزي المصطفى وحيدر وصيّه ابشهادة فاطمه الزهره الزچيه والسلمان گله النعش شيله = تره ظهري انكسر مابيه حيله مصيبة فاطمه صعبة وثجيله = چبد حيدر تصدّع وي دليله الدهر صاباه بسهام المنيه = نعزي المصطفى وحيدر وصيّه ابشهادة فاطمه الزهره الزچيه فاطم للوصي كانت معينه = مهجته وسلوة ايامه وسنينه وچانت موضع اسراره الدفينه = ابغياب الزهره مفجوعه المدينه ودار المرتضى وحشه وخليّه = نعزي المصطفى وحيدر وصيّه ابشهادة فاطمه الزهره الزچيه دارك ياعلي مستوحشه الدار = تندبك وين زهرتنه ياكرار غابت والدهر ماانصف وجار = عليها اطاولت زمرة الاشرار ولا راعو قدرها اهل الرديه = نعزي المصطفى وحيدر وصيّه ابشهادة فاطمه الزهره الزچيه لاعرفو قدرهه ولا رعوهه = بس ماغاب هادينه ولوهه ابحطب حاطو الدار وروعوهه = خلف الباب هالزمره اعصروهه ضلعها انكسر عالغبره رميه = نعزي المصطفى وحيدر وصيّه ابشهادة فاطمه الزهره الزچيه صاحت فضه وينچ ساعديني = على صدرچ انشدچ سنديني ضلعي انكسر والمحسن جنيني = ميت هالسگط زيّد ونيني ابغدر كتلوه زمرة ال اميه = نعزي المصطفى وحيدر وصيّه ابشهادة فاطمه الزهره الزچيه ابمصابچ يالبتول اتزلزل الكون = وگلب المرتضى الفرگاچ محزون وسرچ بالگبر ویاچ مدفون = دهلن دم بدال الدمع يعيون لاديم النوح كل صبح ومسيه = نعزي المصطفى وحيدر وصيّه ابشهادة فاطمه الزهره الزچيه
Testing