شعراء أهل البيت عليهم السلام - في ذكرى الاربعين

عــــدد الأبـيـات
21
عدد المشاهدات
1787
نــوع القصيدة
عامية
مــشــــاركـــة مـــن
تاريخ الإضافة
11/02/2010
وقـــت الإضــافــة
11:16 صباحاً

زوارك يابو السجّاد زوارك = اجوك ابلهفه متعنين لدياركْ اسنين وهمه محرومين من ملقاك = دقوم الهم تلقه وحيي خطاركْ حييهم ياطيب الذات يامظلومْ = يالبالغانمه تشهد لك اخباركْ زوارك تعنو دارك من ابعيد = وانت الامل يامولاي للزاركْ انت ابن الطهر من صلب طاهر جيتْ = من صلب الصلبْ تتنقل انوارك واحنه اعلى العهد وياك عام ابعام = وكل عام اليمر تتضاعف انصارك كل الناس مشّايه تجيك اليوم = ماهمهه الحطر عالموت تتعاركْ اجتك زاحفه من الجنوب افواج = بالالاف طلعتْ تطلب ابثارك جاباهه الحنين وهاج بيهه الشوق = اجت متعنيه ليك وبيك تتبارك اجتْ تكتب عهد لاجلك تضحي الروح = وبنهجك تسير وتسلك افكاركْ حسين انت الامان وذ خر لليهواك = فاز اللي تمسكْ بيك واختارك واحنه امن المهد امنه ابو الاحرار = يارمز الفداء وعالي مقدارك ابو الاحرار صرتْ انت رمز للدين = وهاي اليوم باسمكْ تتهتف احرارك ياكعبة مجدنه ودوم نفخر بيك = ياسر الوجود وخافيه اسراركْ تظل شامخ علم عالي على العاداكْ = شبل والاصل حيدر شهدْ بتّاركْ ابيوم الطف تهابك قامتْ العدوان = وفرّتْ بين ايديك ومادنتْ داركْ تشدْعالميمنه وتقلبهه عالصوبين = تجرّعهه المنايه وضاقتْ اخطاركْ لچن مكتوب تختمهه ابشهاده وكون = دمْ نحرك يسيل ويظل تذكاركْ وتاه الما مشه ابدربك يا بو السجّاد = يالدربك منار وعاليه اسواركْ واحنه انريد دنيه وآخره وياك = ياحامي الدخيل اتكفّل ابجارك ابو الاحرار مطلوبه الشفاعه اهناك = اشفعْ للبچاكْ وساهمْ وشاركْ اشفعْ للهواكْ وجالك وشاركْ
Testing