شعراء أهل البيت عليهم السلام - مسلم ياهو الهمه ايشيله

عــــدد الأبـيـات
44
عدد المشاهدات
2140
نــوع القصيدة
عامية
مــشــــاركـــة مـــن
تاريخ الإضافة
27/01/2010
وقـــت الإضــافــة
7:12 صباحاً

اوحيد ومحتار بهالليله=مسلم ياهو الهمه ايشيله ليش الكوفه=وحده اتعوفه مسلم ياهو الهمه ايشيله مسلم من طب لرض الكوفه=وﮔامت امره الناس اتذيعه الآف احشود المحتشده=هاك عهود وهاك البيعه وياكم يا مسلم صاحت=احنه جيوش وياك وشيعه ملهوفه الوادم كل ظنه=ظن الوادم ذيج اتطيعه مايدري الناس الملتمه=باﭽر وحده اتعوفه بهمه والملهوفه=وحده اتعوفه مسلم ياهو الهمه ايشيله الآف اسطفت وتصلي=خلف المظلوم ايوهمونه قايد فرحانين بشوفه=مسلم كل ظنه ايحسبونه بكل ركعه ايقلون وباﭽر=نيتهم وحده ايخلونه ماﭽان ايحسب هالوادم=مسلم وحسين ايغدرونه ولبن زياد المالت تالي=ليش اتبيع ارخيص الغالي ولمعروفه=وحده اتعوفه مسلم ياهو الهمه ايشيله تكشف للواحد معلومه=للشده لوحلت ساعه جرب ﮔالوا وانت بعينك=تكشف وتشاهد اطباعه وبالكوفه هالقول اتجسد=وي مسلم صارت اوضاعه غربل للوادم بالثوره=الچانوا يتسمون اتباعه غربلهه وشاهد مابيهه=ولليوم امبين خافيهه والمكشوفه=وحده اتعوفه مسلم ياهو الهمه ايشيله وحيد ولا واحد من اهله=ولا ناصر وياه ايعينه بدروب الكوفه ودمعاته=على الخد ﮔامت تهمل عينه بحبال ايجرونه وتنظر=لﮔصر ابن زياد امودينه الجاي لنصرتهم على الظالم=ليش بهالحاله امخلينه بحسرات ايواسونه ودمعه=يهل البيعه ينادي اتسمعه بحبل ﭽفوفه=وحده اتعوفه مسلم ياهو الهمه ايشيله فارس هالحيد الماخاضع=لبن زياد وحكمه وظلمه ما ساوم على الدين وقدم=لجل الدين بروحه ودمه من حيدر ماخذ اوصافه=وياهو الينكر حيدر عمه مسلم لاخر ساعه بعمره=بس اعله حسين اصبح همه دمعاته اعله حسين التجري=وحيد اتعوفه الوادم يدري اصبح خوفه=وحده اتعوفه مسلم ياهو الهمه ايشيله الخذلت مسلم بعده اشافت=غير العار وثوب الذله عاشت بالاهوال اخلافه=وزاد الطين عليهه ابله ماينفع تندم من تالي=ودمع العين ابدم اتهله وبحساب المحشر ينشدهه=طه لطه اشراح اتﮔله وباﭽر بالمحشر شاهدهه=طه المختار وينشدهه وعله اجروفه=وحده اتعوفه مسلم ياهو الهمه ايشيله مسلم ﭽم مسلم دنيانه=راوتنه وﭽم كوفه وياه يالتنصر مسلم كل همك=وحلمك ﭽان التترجاه مسلم انت وانت الكوفه=بالك هالمسلم تنساه وابن زياد الدنيه وتدري=ﭽم واحد سار ابمسراه جدد وي دينك للبيعه=وبالك لبن ازياد اتطيعه من اتشوفه=وحده اتعوفه مسلم ياهو الهمه ايشيله
Testing