عــــدد الأبـيـات
0
عدد المشاهدات
1829
تاريخ الإضافة
26/11/2012
وقـــت الإضــافــة
7:57 مساءً
من وجدان الروح الحسيني ....
ثامر المالكي 2000
شفنه غربه .. اوبيهه جربه
اوشفنه جمله إشكَد بسيطه .. لكن الاسم إلي بيهه
ماكو انسان اليعربه
شفنه غربه ...
اومن زمن كلش بعيد .. لكن ابكل حين ترجع...
اوتِرّوي الأحداث كلهه من جديد
اوشفنه جنه اونار بيهه..والعبيد أسياد صاروا...
والعرش بس للعبيد
شفنه غربه ...
قست حيل اعلى الغريب..
مثل عيسى اويه الصليب..
والخليل اويه اللهيب..
اشكَد عجيب...؟؟!
واحد ابموطنه اوكَاعه..تالي يتسمه غريب؟!
شفنه غربه...
اوناس ماتتسمه ناس
اوشفنه بيت اوقصر عالي..لاله أول لاله تالي
اولاله أساس
ابلا قياس...
اهناك موال ابعبرته ايصيح وايدور جناس
والرثاء .. إحتار يرثيمن بالأوَّل ...
بين أن يرثي الجفوف اوبين أن يرثيله راس
ابلا قياس...
الشجر واكَف علينه اوبيده فاس
ابلا قياس...!!
شفنه غربه اومعركه اوجف اونهر
اوفوكَهن واكَف كَمر
تالي طاح .. اوجنه مات
اوصوت صاح .. ابلا كَمر شنهي الحياة
اونوره شع .. اوهو ميت وانتصر
شفنه غربه ...
اوماي بس مَحَّد يشربه ...
اويبتعد كلما تكَربه ...
اوشفنه أطفال اوحريم..تشرب ادموع اوأنين
اوترتوي امن ألله وأكبر
اوحتى واليهن يبس من الظماء...
اوهو يكَدر...
ابيمنته اينَزّل الكوثر
كَبل مايرفع ادينه اويدعي ربه
شفنه غربه ...
اوبيهه مرفوعه الخيام
خيمه رافعهه الصراط .. اوخيمه رافعهه الحسام
او شفنه خَيّال ابوسط ساحة قتال
راسه كعبه..اوجفه فارس..
جسمه قبله..اوعينه حارس
اوعندما نادى إلى فرض الصلاة .. والتمسُك بالإمام
إجت ابدمه توظت ...
خاطر اتصلي السهام
شفنه غربه ...
لكن الغربه إحركَت كل الخيام
والعجيب...
الخيام الضل أثرهن بس رماد...
هسه صارن قبله هنه ألأي بلاد
شفنه غربه ...
لكن إشكَد صعبه جانت ...
والقلم لَمَّن كتبهه ادموعه سالت
وانتحر كل سيف عدنه ...
اوماكو واحد عدنه ظل يمشي إعلى دربه
شفنه غربه .. اوشفنه جربه ..
اتحَولت تمثال واتصلي إعلى تربه
ثامر المالكي 2000
شفنه غربه .. اوبيهه جربه
اوشفنه جمله إشكَد بسيطه .. لكن الاسم إلي بيهه
ماكو انسان اليعربه
شفنه غربه ...
اومن زمن كلش بعيد .. لكن ابكل حين ترجع...
اوتِرّوي الأحداث كلهه من جديد
اوشفنه جنه اونار بيهه..والعبيد أسياد صاروا...
والعرش بس للعبيد
شفنه غربه ...
قست حيل اعلى الغريب..
مثل عيسى اويه الصليب..
والخليل اويه اللهيب..
اشكَد عجيب...؟؟!
واحد ابموطنه اوكَاعه..تالي يتسمه غريب؟!
شفنه غربه...
اوناس ماتتسمه ناس
اوشفنه بيت اوقصر عالي..لاله أول لاله تالي
اولاله أساس
ابلا قياس...
اهناك موال ابعبرته ايصيح وايدور جناس
والرثاء .. إحتار يرثيمن بالأوَّل ...
بين أن يرثي الجفوف اوبين أن يرثيله راس
ابلا قياس...
الشجر واكَف علينه اوبيده فاس
ابلا قياس...!!
شفنه غربه اومعركه اوجف اونهر
اوفوكَهن واكَف كَمر
تالي طاح .. اوجنه مات
اوصوت صاح .. ابلا كَمر شنهي الحياة
اونوره شع .. اوهو ميت وانتصر
شفنه غربه ...
اوماي بس مَحَّد يشربه ...
اويبتعد كلما تكَربه ...
اوشفنه أطفال اوحريم..تشرب ادموع اوأنين
اوترتوي امن ألله وأكبر
اوحتى واليهن يبس من الظماء...
اوهو يكَدر...
ابيمنته اينَزّل الكوثر
كَبل مايرفع ادينه اويدعي ربه
شفنه غربه ...
اوبيهه مرفوعه الخيام
خيمه رافعهه الصراط .. اوخيمه رافعهه الحسام
او شفنه خَيّال ابوسط ساحة قتال
راسه كعبه..اوجفه فارس..
جسمه قبله..اوعينه حارس
اوعندما نادى إلى فرض الصلاة .. والتمسُك بالإمام
إجت ابدمه توظت ...
خاطر اتصلي السهام
شفنه غربه ...
لكن الغربه إحركَت كل الخيام
والعجيب...
الخيام الضل أثرهن بس رماد...
هسه صارن قبله هنه ألأي بلاد
شفنه غربه ...
لكن إشكَد صعبه جانت ...
والقلم لَمَّن كتبهه ادموعه سالت
وانتحر كل سيف عدنه ...
اوماكو واحد عدنه ظل يمشي إعلى دربه
شفنه غربه .. اوشفنه جربه ..
اتحَولت تمثال واتصلي إعلى تربه