شعراء أهل البيت عليهم السلام - أحلى إسم علي

عــــدد الأبـيـات
28
عدد المشاهدات
1697
نــوع القصيدة
عامية
مــشــــاركـــة مـــن
تاريخ الإضافة
29/10/2012
وقـــت الإضــافــة
12:54 مساءً

أحله إسِم= علي إي و النِعِم= علي سُبحانه مَن سَمَّه وليَّه ابعلي= و سرَّه إلهي امرفَّع و معتلي بِسمه الشدايد تسهَل وتنجلي = وبعْد النبي مفروض هوَّه الولي لا ريبه و ابلا شك = بيه الذي اتمسَّك ينجح ابهالمسلك من يلتزِم = علي إي و النِعِم= علي هذه الإسم رب البشر طهَّره = و كل الخليقه تعجز اتفسِّره و كلمن يريد ايفوز بالآخره = خليلتِزِم حُب الوصي حَيدره بيه نزلت الآيات = و بيه تشهد التورات ابحيدر أبو الحملات ابهالطلِّسِم= علي إي و النِعِم= علي حيدر علي و الله ما أعظمه = بيده مسار الكون أرض وسمه ابكل الملاحم منعرف صارمه = وحصن الشرِك منهو الذي هدّمه من كسَّر الأصنام = ومن شيَّد الإسلام حيدر علي الضرغام حرْب وسلِم = إي و النِعِم= علي حيدر علي أسراره ما تنوصُف = جِن و إنِس بيه تلهَج و تعترُف ألهمه علمه العالي رب اللطُف = دربه السراط السوي الما ينحرُف معلومه أدواره = بعلومه و آثاره ما يسهل انكاره كنز العِلِم = علي إي و النِعِم= علي وين الموالي اينادي من مذهبي = حُب الإمام الهاشمي الطالبي أرضي إلهي ابحُبي و ارضي النبي = حيدر علي يشفع لي كل مطلَبي روحي إله ابلهفه = يرويني من چفَّه رشفه بعد رشفه و آنه ابحلِم = علي إي و النِعِم= علي
Testing