شعراء أهل البيت عليهم السلام - من يحمي فاطمة

عــــدد الأبـيـات
31
عدد المشاهدات
1871
نــوع القصيدة
عامية
مــشــــاركـــة مـــن
تاريخ الإضافة
24/02/2012
وقـــت الإضــافــة
5:26 مساءً

فاطمه من بعَد عيني=ياعلي إنته الكفيل لحّد يعاديها .. بعدي يواليها .. و اليعاديها يعاديني=يا علي إنته الكفيل يا علي ساعة وفاتي=گرّبت منِّي المنيَّه إقترب منِّي يحيدَر=راح اوصِّيك ابوصيّه إنته حامي الحِمه بعدي=هالله هالله بالزچيّه أدري باليجري ابوفاتي=تحتمِل ظيم و أذيّه يا علي حاميها بعدي=منها لا مَدمَع يسيل عندَك أودِّعها .. من عندي إسمعها .. هالعهَد بينك و بيني=يا علي إنته الكفيل ابعينك اتخلِّي البتوله=إنته كافلها وْ وليها أعرف الگوم و غدرهم=أمّة التغدر نبيها امودَّعه عندك الزهره=يا علي امأمِّنَك بيها آنه لو غمّضَت عيني=خايف اليجري عليها اتگاسي آلام ومصايب=ما تجي إلها مثيل تحمِل مصايبها .. و كثره نوايبها .. و اليآذيها يآذيني=يا علي إنته الكفيل بالبقيع ابني يحيدَر=بيت للزهره و حزنها بالحزن تگضي عمرها=و بالدمِع يهمِل جفِنها فاطمه هاذي العزيزه=يلتوي السوط ابمتنها من بعَد ما يعصروها=و يسگط المحسِن إبنها في حمِلها اتحِل مصيبه=ينطِرح منها چتيل ابلا رأفه لارحمه .. و ما تنحفظ حُرمَه .. اتنادي يالكرّار إحميني=يا علي إنته الكفيل اتكفّل ابأم الأيمّه=من بعَد ما تدفنوني ﻻ تجي الگبري تنادي بويه بعدَك مرمروني=و تشتكيلي اتگلي إنظر اشأثّرَت لطمة اعيوني=و الّتي عصْروني تالي ورّموا منِّي امتوني=أستمِع شكوتها منها و الجسِم منها نحيل .. تشرحلي حالتها .. وتجذبها حسرتها=من تجي يمِّي و تحاچيني يا علي إنته الكفيل عدها أسرار النبوّه=و إنته أسرار الإمامه بضعتي تلتحق فيني=و تبگه أوﻻدك يتامه و بيتك ايلاگي الرزايه=و الحزِن ينشر ظلامه تشتكي من كل ظليمه=بالحشر يوم القيامه توگف اببين الخلايگ=ترفع الشكوه ابعويل واتنادي ظلْموني .. زمرة العصْروني .. وامزجِت حسراتي بونيني=يا علي إنته الكفيل
Testing