شعراء أهل البيت عليهم السلام - يا أيها المحجوب

عــــدد الأبـيـات
45
عدد المشاهدات
1945
نــوع القصيدة
عامية
مــشــــاركـــة مـــن
تاريخ الإضافة
28/01/2012
وقـــت الإضــافــة
8:34 صباحاً

غايبنه يالمحجوب= عندك فجيعه واحنه ابعزانه اوياك= ننعى الشريعه نِعلِن كِدَرنه= يا مُنتَظَرنه يالمُنتظر صوت الحزِن= ابكل ناحيه امن الوَسعه غاب الإمام العسكري= يِدْوي ابصداه انسِمْعه عزّوا الإمام المُنتظَر= و الهادي و دينه و شَرعه عترة مُحمّد ناحِبه= و كلها ابحزِن مِنفجعه واجبنه و المطلوب= ننصب عزانه راح الحسن مسموم= نرفع نِدانه جينه و حضرنه= يا مُنتَظَرنه هالعالم ايموج و يحِن= و ينعه ابأنين و حسره حلَّت رزيَّه و فاجعه= هاي الليله ابسامرَّه عودك گضه ابسّم الغدر= و ساعة مماته اتحضره ابعينك تشوفه و محتمِل= و گلبك رهين ابصبره شفْت الأبو مسموم= وكْت المنيَّه حاله و أبد مَتهون= هاي الرزيَّه حَيْرَت فكرنه= يا مُنتَظَرنه روح الإمامه اتصوّبَت= و بيت الوحي ابحسراته يسعَر لهيب النايبه= و المدمَع ابموجاته شيعتكم اوياكم إجَت= كل واحد ابعبراته ضنوة علي الهادي ارتحَل= صيحتهُم ابمأساته صيحة كدَر و اهموم= من هالمصيبه كل شيعي بالحسرات= ينعه ابنحيبه حسره ابصدرنه= يا مُنتَظَرنه لو نگدر و نطوي الزمَن= و النعش إحنه انشَيْعه اوياك ابمَهابه انشيِّعه= و اعلى الاْكتاف انرفعه وسّدْته وَحدك باللّحِد= و الغُسل فيض الدمعه يا وسفه و ابسِر اندفن= مثْل الزچيَّه البضعه نتمنّه چنّا اوياك= حين الرفعْته ابصوت المناحه انصيح= لمّن دفنته يلهَب جمرنه= يا مُنتَظَرنه يالغايب امّك فاطمه= ابهالفاجعه اوياك اتنوح تلگاها يمَّك حاضره= طافح دمعها المسفوح واتگلك آنه الثاكله= كل لوعاتي ابوسط الروح و الأعظم وأكثر عَلَي= ذكْر الغريب المذبوح منتظره يوم الثار= يومك يغايب ويّه الزچيَّه انظار= إلنه و تراقب شابِح نَظَرنه= يا مُنتَظَرنه ابعينك شفِت يالمُنتظر= اشحَل اشحصل و اتفجّر ظنينه نسمَع صيحتك= تغضب و ابثارك تظهر ما ندري بعدك مِنْتظر= و يومك بعَد يتأخّر لو گرّب اعلان الفرج= و ايبشِّر شيعة حيدر و اتنادي يالموعود= قادِم يشيعه يا شيعه گوموا اوياي= ابثار الوديعه طوّل صبُرنه= يا مُنتَظَرنه
Testing