شعراء أهل البيت عليهم السلام - يا بويه اوحيده عفتوني

عــــدد الأبـيـات
27
عدد المشاهدات
1856
نــوع القصيدة
عامية
مــشــــاركـــة مـــن
تاريخ الإضافة
27/11/2011
وقـــت الإضــافــة
1:48 مساءً

يا بويه اوحيده عفتوني= يا بويه اعليله تدروني منهو اليمِّي= يحمِل همِّي يا بويه اعليله تدروني يا بويه اعليله و محتاره= من ارحلِت ولهليوم و الونين امنحِّل جسمي= ولا جفني طبَگ للنوم سهرانه بويه او أنتظر= بفراگك گلبي مالوم عالدرب مشبوحه عيوني= يمته غيّابي يلفوني و آنه وحدي= بوطن جدي يا بويه اعليله تدروني يا بويه طالت الغيبه= يمته تعود امن السفَر لا طارش لا مكتوب اجه= يا بويه بيكم اشسدَر و آنه الملتهب دلّالي= والگلب من عندي استعر آنه اعليله او فارگتوني= و بهالمحنه حيّرتوني آيالوالي= شاهد حالي يا بويه اعليله تدروني يا بويه البعد فرّگنه=إلمن اعتب اعتابي و الدار ظلّت موحشه= و واگف عالباب اعرابي ينشدني وين اهل الكرم= گتله ذوله غيّابي وحدي بهالدار خلوني= و ياريت اوياهم أخذوني ابحرگه اتحسّر= من اتذكّر يا بويه اعليله تدروني الأعرابي لمّن خبّرني= نيِّته صوب لعراگ رفرف يابويه دلّالي= من بعد طول افراگ يا ريته ايوّصل كتابي= گلبي الشوفتكم مشتاگ خطّارك بويه اينشدوني= و لوحدي آنه ايشوفوني آيا اعرابي= إخذ اكتابي يا بويه اعليله تدروني يا بويه من غبِت لليوم= چنِّي اتصوّر كربله وانته اوحيِّد بين العده= و ويَّاك اطفال و عايله واخوتي صرعى اعله الترب= و عمومي كلها امچتِّله لو ردت ابچي لتلوموني= ومن دم أهمل دمع اعيوني آيالوالد= چنَّك مترِد يا بويه اعليله تدروني
Testing