شعراء أهل البيت عليهم السلام - خديجة الخير (ع)

عــــدد الأبـيـات
14
عدد المشاهدات
3951
نــوع القصيدة
فصحى
مــشــــاركـــة مـــن
تاريخ الإضافة
29/04/2011
وقـــت الإضــافــة
3:11 مساءً

العالم و الدنيا تشهد=بعطائكِ في دين محمد
يا روح المبعوث الأكرم=صلى الله عليكِ و سلم

حاير بيش أبدي حين ابدي او يا بيت ابوصفچ يفكيني
يالگلتي يرخص كل غالي او ما تسوى الدنيا ابلا ديني
و عاهدتي الهادي ابهالچلمه خاضع لجلك ملك ايميني
اشما تطلب حاضر و ابأمرك اطلب من عيني إلعيني
يا أمّ الزهراء كفاك=اللهُ تعالى عَلاّك
يا إسماً لله الأعظم=صلى الله عليكِ و سلم

يا عز الأمة او مفخرها يالعالي اعلى الوادم مجدچ
يا بحر او چفّچ سيّابه او يا حد ابهالكون ايحدچ
يالضحيتي الأحمد عمرچ ما يغلى اعليه اشما عندچ
لمن چان الهادي وحده وي حيدر چنتي اوياه وحدچ
في غربة طاها المختارِ=كنتِ كصارم ذي الفقارِ
و لذلك في الملأ الأقدم=صلى الله عليكِ و سلم

عن أسباب الدين الشادت أركانه لو عنهم نسأل
"سيف الكرار" أول علّه او يبقى ابكل شي حيدر الأول
" شيخ البطحا " الركن الثاني ذاك البالمختار اتكفّل
و " ام الزهره " الركن الثالث و اشگد ضحّت لجل المرسل
يا من ضحّت كأبي طالب=و كما سيف الله الغالب
يا قلباً بوفائه مُفعم=صلى الله عليكِ و سلم

سبحان الباري اشگد خصّچ واختارچ من سر القدره
سبحانه لو ميّز عبده يجعل ببيه من نوره او سره
او لمن گلتي ابدينه اتمسّك گالو من عندچ نتبرّه
كافاچ او جازاچ ابصبرچ او اخلاچ ابهاي ام الزهره
و بما جرعك فيه الصبرا=صرتِ بذلك أم الزهرا
لمقامكِ تغبطكِ مريم=صلى الله عليكِ و سلم

يا سر المختار او حرزه ما نعرف عن معنى اسرارچ
ياللاذ الإسلام ابسدچ و الشرع استنجد باكتارچ
نور العترة الچان ابآدم شع بيچ او شعّت أنوارچ
و لذلك أحمد هادينا من بين النسوان اختارچ
والسر هنا لا يحويك=نور الأطهار غدى فيك
لن ندرك سرّك أو نفهم=صلى الله عليكِ و سلم

ما ريد الزوجات الهادي أتعرض و احچي و فَصِلهن
لكن و الكل يشهد بيها چانت " ام الزهره " افضلهن
القرآن ابآياته ايصرّح لو عقلك يگدر يعقلهن
ما بدّلها ابخيرٍ منها و ابخيرٍ منهن بدّلهن
وبطاها أخبرنا الله=من أرضاه و من آذاه
والله بما جدتِ أعلم=صلى الله عليكِ و سلم
Testing