عــــدد الأبـيـات
0
عدد المشاهدات
1814
تاريخ الإضافة
08/02/2010
وقـــت الإضــافــة
9:04 صباحاً
جيتك اتفزز خيالات وأطوف عْليك سبعه
مولدك ميقاتِي واحرامي حنين
وهذي روحِي الولهه يَم ملﮕاك تسعه
وهِيَّه ياروح البُقت يَحسين يَمَّك...؟!!
ﮔامت من الْموت روحي عْليك تنعه
جيت من تابوت شوﮔي معتنيلك ..
تعثر الْﭽلمه على ثغري وتِلِسعه
بس بُقايه روح جيت ابطيف اكلمك ...
تْشَيَّمِت بيك وحﭽي الأعوام اجِمعه
***
جيت أتْخَطَّه على رﮔاب السنين
جيت وجدان انْعِلَﮓ ضِيْم وونين ...
يالعِلَﮕت بروحي من لَشواﮒ شَمعه
سنين وحروف الشِعر بِهْوَاك ترعَه
سنين من طرواك عين الدنيه لَمعه
وماعرفت غير دمعه
وماعرفت غير دمعه
***
لانِي أَوَل من بِﭽه بْميلادك ونوحه يرُفعه !!
ولانِي آخر من فَرَح والروح جَزعه
وَيَّه جدك وامك وعُوْدَك أَنوح ...
ياجرح فوﮒ الجروح ابﭽيه واطُبْعه
حسين مخنوﮒ الْحﭽي بصدري دخيلك
غيرتك ... مرُوتَك
خل احﭽي ولْهَمي دِسِمعه
حسين مامر يوم مابالدنيه شفتك
فوﮒ كل لَحظه يبو الأكبَر ذِكرتك
فوﮒ كُل غُبْشَه حروفك ألْتﮕيهه
ومطلَعك ميقات للتكوين وشَرعَه
***
ماعرفتك غير دمعه
ياحبيبي لْبلْوِفه معروف طبعه
جيتك اْمْحَمِل رﭼاب الذكره وانعه
وِعْلَه شاطي الآه نَوَّخت العِتاب....
وْلِسَه جُرف الشوﮒ يتجاره مُصاب
ويومك بشعبان عاشور السنين ... ويمته عاشر غاب وحتى بيوم ارَجعه
حسين للساعه يرن بيْنَه ونينك
من بﮕيت لْوَحَدَك مَحَّد يعينك .. وانته وين اتدير عينك ؟؟؟!!
ياهو ظل وْحتى تِنخاه وتِفَزعه ؟
***
لو ماجسمك ... ﭼان للتطهير آيه ..
ماصُبَح للﮕوم لِلخياله مَسعى
ولو ماصدرك ﭼأن للتوحيد رايه ..
مابُﮕيت اْمْوَسَد ومسحوﮒ ضِلعه !!
ولوماشريانك غِدى للدين منْبَع ..
ماتجره الْجور بالخَنجر يِﮕِطعه !!
ولو ماهامك طاول احدود الْجلاله ..
ﭼان راسك ياهو يامولاي ايْرُفْعه ؟؟؟؟؟؟؟
ياللي دمَّك فاض رِفْعه
يَمَّك اتفزز خيالات وأنين
ولو دليلي مانبض بِسمك وحق الله أﮔطعه
جيتك وغافِي على صدر الْحنين
وابﮕه ويَّه الدمعه مشتاﮒ ورهين
أشبﮓ حروفك واجِي بْميلادك ابصوتِي الْحزين
ياحُسين .. ياحُسين
ماعرفتك غير دمعه
مولدك ميقاتِي واحرامي حنين
وهذي روحِي الولهه يَم ملﮕاك تسعه
وهِيَّه ياروح البُقت يَحسين يَمَّك...؟!!
ﮔامت من الْموت روحي عْليك تنعه
جيت من تابوت شوﮔي معتنيلك ..
تعثر الْﭽلمه على ثغري وتِلِسعه
بس بُقايه روح جيت ابطيف اكلمك ...
تْشَيَّمِت بيك وحﭽي الأعوام اجِمعه
***
جيت أتْخَطَّه على رﮔاب السنين
جيت وجدان انْعِلَﮓ ضِيْم وونين ...
يالعِلَﮕت بروحي من لَشواﮒ شَمعه
سنين وحروف الشِعر بِهْوَاك ترعَه
سنين من طرواك عين الدنيه لَمعه
وماعرفت غير دمعه
وماعرفت غير دمعه
***
لانِي أَوَل من بِﭽه بْميلادك ونوحه يرُفعه !!
ولانِي آخر من فَرَح والروح جَزعه
وَيَّه جدك وامك وعُوْدَك أَنوح ...
ياجرح فوﮒ الجروح ابﭽيه واطُبْعه
حسين مخنوﮒ الْحﭽي بصدري دخيلك
غيرتك ... مرُوتَك
خل احﭽي ولْهَمي دِسِمعه
حسين مامر يوم مابالدنيه شفتك
فوﮒ كل لَحظه يبو الأكبَر ذِكرتك
فوﮒ كُل غُبْشَه حروفك ألْتﮕيهه
ومطلَعك ميقات للتكوين وشَرعَه
***
ماعرفتك غير دمعه
ياحبيبي لْبلْوِفه معروف طبعه
جيتك اْمْحَمِل رﭼاب الذكره وانعه
وِعْلَه شاطي الآه نَوَّخت العِتاب....
وْلِسَه جُرف الشوﮒ يتجاره مُصاب
ويومك بشعبان عاشور السنين ... ويمته عاشر غاب وحتى بيوم ارَجعه
حسين للساعه يرن بيْنَه ونينك
من بﮕيت لْوَحَدَك مَحَّد يعينك .. وانته وين اتدير عينك ؟؟؟!!
ياهو ظل وْحتى تِنخاه وتِفَزعه ؟
***
لو ماجسمك ... ﭼان للتطهير آيه ..
ماصُبَح للﮕوم لِلخياله مَسعى
ولو ماصدرك ﭼأن للتوحيد رايه ..
مابُﮕيت اْمْوَسَد ومسحوﮒ ضِلعه !!
ولوماشريانك غِدى للدين منْبَع ..
ماتجره الْجور بالخَنجر يِﮕِطعه !!
ولو ماهامك طاول احدود الْجلاله ..
ﭼان راسك ياهو يامولاي ايْرُفْعه ؟؟؟؟؟؟؟
ياللي دمَّك فاض رِفْعه
يَمَّك اتفزز خيالات وأنين
ولو دليلي مانبض بِسمك وحق الله أﮔطعه
جيتك وغافِي على صدر الْحنين
وابﮕه ويَّه الدمعه مشتاﮒ ورهين
أشبﮓ حروفك واجِي بْميلادك ابصوتِي الْحزين
ياحُسين .. ياحُسين
ماعرفتك غير دمعه